«Kazakh Invest» UK» AQ qoldaýymen 2018 jyly elimizde sheteldik kapıtaldyń qatysýymen jalpy quny 3,1 mlrd AQSh dollaryn quraıtyn 27 ınvestısııalyq joba iske asyrylyp, 6 myń jumys ornyn ashýǵa múmkindik berdi. Bul týraly SIM baspasóz qyzmeti habarlady.
Qazirgi tańda «Kazakh Invest» UK» AQ-nyń monıtorıng júıesinde 26 eldiń sheteldik ınvestorlarynyń qatysýymen jalpy somasy 40 mlrd AQSh dollaryn quraıtyn 157 joba bar. Olardy iske asyrý shamamen 45 myńǵa jýyq jumys ornyn ashýǵa múmkindik beredi.
О́ńirler bólinisinde jobalardyń eń kóp sany Almaty oblysyna tıesili - 4,1 AQSh mlrd dollaryn quraıtyn 27 joba. Birinshi bestikke sondaı-aq Qaraǵandy oblysy - 2,1 mlrd dollary somasyna 15 joba; Nur-Sultan qalasy - 4,1 mlrd dollary somasyna 12 joba; Qostanaı oblysy - 2,2 mlrd dollary somasyna 12 joba jáne Aqtóbe oblysy - 1 mlrd dollary somasyna 10 joba kiredi.
180 joba boıynsha kelissózder bastalǵan ınvestorlardyń jeke tizbesi júrgizilýde. 2019 jyly qosymsha 27 jobany iske qosýdy qamtamasyz etý jáne 100-ge jýyq jańa ınvestordy tartý josparlanýda.