Aqordadaǵy keńes barysynda Memleket basshysy Qasym-Jomart Toqaev memlekettik apparat pen qoǵam arasyndaǵy tıimdi baılanystardy jolǵa qoıýdyń mańyzdylyǵyna toqtaldy.
Memlekettik organdar tarapynan kommýnıkasııanyń zamanaýı arnalaryn paıdalana otyryp, tıimdi túsindirý jumystaryn júrgizý qajettigi atap ótildi. Prezıdent óńir ákimderiniń halyqpen únemi kezdesýge jáne eldi mekenderdi jıi aralaýǵa tıis ekenin aıtty.
Budan bólek Memleket basshysy Qasym-Jomart Toqaev Elbasy Nursultan Ábishuly Nazarbaev negizin qalaǵan áleýmettik turǵydan ádiletti el qurý baǵytyn jalǵastyrýdy mindettedi. Sonyń ishinde Prezıdent ákimderge áleýmettik jaǵdaıy tómen azamattar úshin 40 myńnan astam jaldamaly páter berý máselesin jedeldetýdi jáne bul úderisti bıylǵy mamyr aıynan bastaýdy júktedi.
Sonymen qatar Q.Toqaev halyqtyń turmys sapasyna tikeleı áser etetin ınfraqurylymǵa qatysty júıeli máselelerdi shuǵyl sheshýdiń mańyzdy ekenin atap ótti.