Qazaqstan Respýblıkasynyń Premer-Mınıstri Asqar Mamın Reseı Federasııasynyń ónerkásip jáne saýda mınıstri Denıs Mantýrovpen kezdesý ótkizdi.
Kezdesýde avtokólik jasaý, aýyl sharýashylyǵy mashınasyn, avıasııalyq tehnıka jasaý, óńirlik servıstik ortalyqtardy damytý salalarynda birlesken jobalardy, sondaı-aq, qorǵanys ónerkásibi kesheni jobalaryn iske asyrý turǵysynan Qazaqstan men Reseı kásiporyndary arasynda ónerkásiptik kooperasııany damytý keleshegi talqylandy.
Kezdesý barysynda ónerkásip kooperasııasy salasynda birlesken is-qımyldar baǵdarlamasyn ázirleý jumystary júrgizilip jatqany atalyp ótti.
Baǵdarlama birqatar birlesken ınvestısııalyq jobalardy iske asyrýdy kózdeıdi, onyń ishinde «Kıroves» markasynyń traktorlaryn jáne onyń quraýysh bólikterin «Peterbýrg traktor zaýyty» AQ-men jáne «Agromashholdıng KZ» AQ-men shyǵarýdy uıymdastyrý, KAMAZ markasynyń kólik quraldaryna quraýyshtardy, kerneýi 110 kV deıin bolatyn maıly jáne qurǵaq transformatorlardy shyǵarý, tolyq sıkldi avtozaýyt salý boıynsha «AVTOVAZ» JAQ-pen yntymaqtastyqta «Azııa Avto Qazaqstan» AQ jobasyn iske asyrýdy qarastyrady.
QR Premer-Mınıstri A. Mamınniń aıtýynsha, «Baǵdarlamany iske asyrý ekijaqty ınvestısııalyq yntymaqtastyqty damytýǵa, elder arasyndaǵy saýda-ekonomıkalyq qatynastardy nyǵaıtýǵa eleýli serpin beredi.