Taılandtyń Bangkok qalasynda ótip jatqan sadaq atýdan Azııa kýbogi dodasynda Qazaqstan qorjynyna alǵashqy medal tústi . Bul týraly Olympic.kz habarlady.
Komanda múshesi Sanjar Musaev olımpıadalyq aınalym boıynsha qola júldeger atandy. Bul Qazaqstan quramasynyń Bangkoktegi alǵashqy júldesi. Búgin taǵy bir qazaqstandyq mergen Ilfat Abdýllın klassıkalyq ádis boıynsha sadaq atýdan altyn medalǵa talasady.
Sondaı-aq, Rýstam Qarabalaev bloktyq ádisten fınalda baq synaıdy. Qyzdar arasynda bloktyq ádispen atý básekesinde Qazaqstan sapynan eń joǵarǵy nátıjeni Marııa О́mirzaqova tirkedi. Ol 683 upaımen 9-shy oryn ıelengen bolatyn.