«Pavlovnııa syndy aǵashtyń kóshetin kóbeıtý kerek. Aldaǵy ýaqytta osyǵan arnalǵan arnaıy tuqymbaq salýymyz tıis. Sebebi, ońtústiń óńiriniń klımaty pavlovnııa aǵashyn ósirýge óte qolaıly» dedi О́mirzaq Estaıuly.
Mamandardyń sózinshe, pavlovnııa aǵashy jylyna 5 mertge deıin ósedi. Al boıy 25 metrge deıin jetedi. Sondaı-aq, 6 apta gúldep turady. Eýropa elderinde jıhaz jasaýǵa osy aǵashty qoldanady. Odan bólek, qaıyq, shańǵy, tennıs raketkasyn, mýzykalyq aspap taǵy basqa da buıymdar daıyndaýǵa bolady.
Búgingi tańda, Túrkistan qalasyn damytýdyń Bas josparynyń jobasynda qala aınalasynda jasyl beldeý qurýǵa 7700 gektar jer belgilengen. Atalǵan aýmaqty birkelki ormanǵa aınaldyrý maqsatynda kezeń-kezeńimen jumystar júrgiziletin bolady. Atap aıtqanda, jasyl beldeýdiń 2019 jyly 2000 gektar jerin ıgerý josparlanyp otyr.
Túrkistan qalasy aınalasynan jasyl beldeý qurý maqsatynda búginde 488 gektar jerge 203 496 túp aǵash kóshetteri (qaraǵash, badam, órik, terek, jıde) egilgen. Sonymen qatar, búginde 2-kezeń boıynsha Arys-Túrkistan kanaly boıyndaǵy jerlerdi jappaı jyrtý jáne aǵash kóshetterin egý jumystary júrgizilýde. Aldaǵy ýaqytta jasyl beldeýge egiletin kóshetterdi óndirý maqsatynda 300 gektar jerge tuqymbaq ashyp, onyń 30 gektar aýmaǵyna aǵash tuqymdaryn sebý jáne 1212 gektar jerdi jyrtyp, 100 gektaryna aǵash kóshetterin egý jumystary atqarylmaq.