Ana men balaǵa keń aýqymdy qyzmet kórsetedi

Oblystyq densaýlyq saqtaý basqar­masynyń jáne BUU Bala­lar qorynyń (IýNISEF) uıym­das­tyrýymen ashylǵan oqý orta­ly­ǵy medısınalyq qyzmet­tiń sapasyn da baqylap otyrady. Ortalyqtyń ashylýy sheńberinde oblys ákimdigi men IýNISEF-tiń Qazaqstandaǵy ókili arasynda memorandým túzildi. Halyqaralyq uıym ókili Iýrıı Oksamıtnyımen kezdesken oblys ákimi О́mirzaq Shókeev resýrstyq ortalyqtyń ashylýy óńir úshin mańyzdy oqıǵa ekenin atap ótti. «Balalardyń densaýlyǵyn jaqsar­tý bas­ty nazarda bolýy qajet. Bul baǵytta biz qoldan kelgen kómegimizdi aıamaımyz. Jaqyn arada ortalyq­tyń jumysy óńir­de­gi aıaǵy aýyr áıelder men kishken­taı búl­dir­­shinderi bar otbasy­lar­dyń densaýlyǵyn, ál-aýqatyn jaqsartý­ǵa oń septigin tıgizetinine senim­dimin», dedi О́.Shókeev. Al IýNISEF-tiń ókili ekijaqty kelisimge rızashylyǵyn bildi­rip, orta­­lyqta aldaǵy ýaqytta bilikti maman­­dar daıarlanatynyn jetkiz­di. «Bala ómiriniń alǵashqy jyldary onyń fızıkalyq jáne psıhıkalyq densaý­ly­ǵynyń ári qaraı damýyn aıqyndaıdy. Balanyń mıy shamamen 80%-ǵa úsh jasqa deıin qalyptasady. Sondyqtan IýNISEF aıaǵy aýyr áıelder men kishkentaı bala­­lary bar otbasylarǵa patro­­naj qyzmetin kórsetetin baǵdar­la­­malardy qoldaıdy, óıtkeni kish­ken­taı balalardyń damýyna járdemdesý – balalar quqyǵyn júze­ge asyrýdyń eń tıimdi strate­­gııa­­larynyń biri», dedi IýNISEF-tiń Qazaqstandaǵy ókili Iý.Oksamıtnyı.  Bilim berý resýrstyq orta­ly­ǵy aıaǵy aýyr áıelder men kishkentaı bala­lary bar otbasylar úshin ozyq úlgi­de­gi keshendi qyzmet kórsete alatyn patronajdy medbıkelerdi daıarlaıtyn bolady. Mamandardyń aıtýynsha, mundaı tásil aýyldyq jáne qalalyq otbasylarǵa kórse­­­­tiletin qyzmetterdiń sapa­sy men halyqtyń olarǵa degen qana­ǵattanýshylyq deńgeıin jaq­sar­­­tady. Ortalyqta medı­sı­na­lyq jáne áleýmettik qyzmet­ker­ler IýNISEF jáne DDSU-nyń usynymdaryna saı erte jastaǵy balalardyń damýy, durys tamaqtanýy jáne olarǵa qalaı qaýipsiz orta qamtamasyz etý kerektigi jóninde zamanaýı bilimderin jetildire alady. Oǵan qosa, mamandar óz bilimderin tájirıbede iske asyrady, balanyń damý bólmesinde – qandaı oıyndar onyń tolyq damýyna jaǵdaı jasaıtynyn zertteıdi, ashanada – kishkentaılarǵa alýan túrli jáne paıdaly taǵamdardy qalaı daıyndaý kerektigin meńgeredi. Sondaı-aq ata-analarmen qalaı qarym-qatynas ornatýdy jáne olarǵa durys tárbıe berý jónindegi aqparatty bólisýdi úırenedi. Sapaly bilim beretin mekeme­lerdi qurý, densaýlyq saq­taý júıe­si­ne qajet­ti ana men bala­nyń densaý­ly­ǵyn qor­ǵaı­tyn medısınalyq jáne áleýmettik qyzmetkerlerdiń sapasyn jaqsar­tý­­dy qamtamasyz etý negizgi maq­­saty sanalatyn ortalyq qa­jet­ti quraldarmen tolyq jab­dyq­­talǵan. IýNISEF-tiń densaýlyq saqtaý jáne tamaqtaný baǵdarlamasynyń úıles­­ti­rýshisi Qanat Suhanberdıevtiń aıtýynsha, oqý ortalyǵynyń mamandary halyqaralyq ozyq tájirıbelerge saı bilim alǵan. Bul úlgi 2016-2017 jyldary Qyzylorda qalasyndaǵy eki emhanada jáne Jańaqorǵan aýylynda Densaýlyq saqtaý mınıstrliginiń, IýNISEF-tiń jáne oblys ákim­shi­liginiń birlesken kúshimen sátti júzege asyrylǵan eken. Osy tájirıbeni eskere otyryp, ótken jyldan bastap bul model el boıynsha engiziler aýmaǵyn ulǵaı­ta túsken. Túrkistan oblysy