Aýylyn Alataýǵa arqalaǵan...

Qurmanǵazy atyndaǵy qa­zaq Ulttyq konservatorııa­syn bi­tirgen Sákeń sodan beri eki júzden asa áýezdi ándi dúnıe­ge ákelip, halyqtyń  shynaıy qur­metine bólenip keledi. Má­selen, qazaqtyń belgili aqyny Jaqsylyq Sátibekovtiń sózi­ne jazylǵan «Anama» já­ne ta­ǵy basqa onǵa jýyq áni qa­zaq ra­dıosynyń altyn qo­ryn­da tur. «Oramal» (sózi Mar­fýǵa Aıtqojınaniki), «Mahab­bat mereıi» (sózi Myrzash Turǵa­novtyky) jáne sózin ózi jazǵan «Seniń beıneń», «Aýylym», «Tulparsazym», «Týǵan jerim – Taldyózegim» sııaqty ánderin jurt áli kúnge deıin eltip tyń­daıdy, súısine aıtady.

Sadyq aǵamyzdyń aqyndyǵy da bar. Kóp ánniń árin ashatyn «tilin» de ózi jaqsy taýyp, eke­ýin ekpindetip qosa týyndatyp jiberedi, ondaıda áýen men sóz ádemi jymdasyp, jaqsy jarasym taýyp shyraılanyp shyǵa keledi.

О́tken jyldyń aıaǵynda «О́ner» baspasynan Sadyq Qunan­­baevtyń  «Tulparsazda aýy­lym nemese Sadyqtyń saz­dy ánderi-aı»  atty ánder jına­ǵy jaryqqa shyqty. Munda kom­pozıtordyń júzden asa áni notasymen berilgen. Eń aldyn­da kóńil aýdaryp, kósh bas­tap turǵany – «Táýelsizdik – uly kún!», odan keıin «Týǵan elim – Qazaqstan»,  «Astana – ánim me­niń», «Aınaldym Alma­tym­nan» dep jalǵasyp  kete barady.

Jınaqtyń bas jaǵynda Sa­dyqtyń ánderine kezinde ystyq yqylasyn, jyly lebizin bildirgen ádebıetimiz ben ónerimizdiń  Bı­bigúl Tólegenova, Sherhan Mur­taza, Qadyr Myrzalıev, Nurǵalı Núsipjanov tárizdi tuǵyry bıik tul­ǵalarynyń sózderi kel­ti­rilipti.

Qalyń qazaqtyń qaı­ran Qadyry «Bul jigitti men kóp jyldardan beri bilemin. Maǵan kelgende, aldymen óleńin kór­setetin. Án jazatynyn keıin bildim. Alǵashqy kitaby − «Meniń  Moıynqumym». Sol kitabyna kezinde qoltańba berip, bir aýyz óleń jazǵanym ras – «Qunan­baevtar qatarynda tur­ǵanyń –qandaı jaqsy, baýyrym!».

«Sadyq-aý, tyńdadyq qoı 

ánińdi myń, Aıtaıyn óleńińniń táýirligin. Aýylyn Alataýǵa arqalaǵan, Bir uly sendeı bolsyn  Moıynqumnyń!

13 tamyz, 2010 jyl, Almaty q.» dep jazypty óziniń aq tile­ginde.

Bul ásem sazdy  ádemi ánin ár júrekke jetelep jetkizip júrgen óristi óner  ıesi Sadyqtyń shy­ǵarmashylyǵyna berilgen la­ıyqty baǵa bolar dep oılaımyz. Berikbaı QADYQOV,

jýrnalıst 

Almaty oblysy, Qarasaı aýdany