Hattamaǵa 2016 jylǵy 26 jeltoqsanda Sankt-Peterbýrg qalasynda qol qoıylǵan bolatyn.
Baıqońyr qalasynda jumys isteıtin Qazaqstan Respýblıkasynyń memlekettik organdarynyń tizbesine Qazaqstan Respýblıkasynyń 10 memlekettik organynyń bólimshelerin qosymsha engizý osy Hattamanyń máni bolyp tabylady. Osylaısha, Baıqońyr qalasynda Qazaqstan Respýblıkasynyń 18 memlekettik organy jumys isteıtin bolady.
Atap aıtqanda, «Baıqońyr» kesheni jalǵa berilgen kezeńde Baıqońyr qalasynda jumys istep turǵan memlekettik organdardyń tizbesi Qazaqstan Respýblıkasynyń qorshaǵan ortany qorǵaý salasyndaǵy ýákiletti organynyń, Qazaqstan Respýblıkasy Ádilet mınıstrliginiń, Ulttyq qaýipsizdik komıtetiniń, Ulttyq qaýipsizdik komıteti Shekara qyzmetiniń, Qarjy mınıstrligi Qazynashylyq komıtetiniń bólimsheleri sııaqty organdarmen jáne basqalarymen tolyqtyrylǵan bolatyn.
Hattama kúshine engende «Baıqońyr» kesheni boıynsha eki memlekettiń arasyndaǵy strategııalyq áriptestikti jáne ekijaqty yntymaqtastyqty odan ári nyǵaıtýǵa yqpal etetin bolady
«Hattamany qabyldaý azamattardyń konstıtýsııalyq quqyqtary men bostandyqtaryn júzege asyrýǵa oń áserin tıgizedi, sondaı-aq halyqqa barlyq qajetti qyzmetter men aqparatty ýaqytynda alýǵa múmkindik beredi», - dep atap ótti senator T.Musabaev.
Zań jobasy Palata qaraýyna jiberildi.