Keńesti aýdan ákimi Murat Ergeshbaev ashyp, sóz tizginin Qyzylorda oblystyq máslıhatynyń hatshysy Naýryzbaı Baıqadamovqa berdi.
Keńes otyrysyna Qyzylorda oblystyq mádenıet, arhıvter jáne qujattama basqarmasynyń basshysy Abýova Mıra jáne «Qyzylorda oblysynyń mádenıet, arhıvter jáne qujattama basqarmasynyń «Qyzylorda oblystyq tarıhı jáne mádenı eskertkishterdi qorǵaý jónindegi» kommýnaldyq memlekettik mekemesi dırektory Kózeıbaev Sapar qatysty.
Qazaly aýdanyndaǵy tarıhı-mádenı eskertkishterge baılanysty atqarylǵan jumystar týraly aýdan ákiminiń orynbasary Álimjan Jarylqaǵanov baıandady.
«Qazirgi tańda, Qazaly aýdanynda memleket qorǵaýyna alynǵan 6 respýblıkalyq dárejedegi, 53 jergilikti sanattaǵy jáne 40 aldyn-ala esepke alynǵan, barlyǵy 99 tarıhı-mádenı eskertkish bar. Onyń 93-i qala qurylysy jáne sáýlet nysandary bolsa, 6-y arheologııalyq eskertkish. Ústimizdegi jyldyń jaz, kúz mezgilderinde aýdan ákiminiń qoldaýymen tarıhı-mádenı eskertkishterdi tolyǵyraq zertteý úshin ekspedısııa júrgizý josparǵa engizilgen. Eskertkish tarıhy jaıly málimetterdi baıandaǵan el aqsaqaldarymen suhbat uıymdastyryp, jergilikti deńgeıde beınebaıan túsirýdi 2019-2020 jyldarǵa qolǵa almaqpyz. Bul fılmder bizdiń keleshekke degen úlken syıymyz bolmaq», - deıdi ol.
Keńeste oblystyq mádenıet, arhıvter jáne qujattama basqarmasynyń basshysy Mıra Rahymjanqyzy О́rkendeý eldimekenindegi Jankent shahary IýNESKO-nyń qorǵaýyna alynatyn mádenı muralar tizimine halyqaralyq atalym boıynsha engiziletinin aıtyp, jurttyń qýanyshymen bólisti.
QYZYLORDA OBLYSY