Búginde aımaq boıynsha jobaǵa qatysatyn úsh kompanııanyń ótinishi bankterge qarastyrý úshin joldanǵan. Al óńirdegi 15 kompanııa baǵdarlamaǵa qatysýǵa qyzyǵýshylyq bildirip otyr eken.
Jaqynda Almaty oblysynyń megapolıst mańynda ornalasqan kásiporyn basshylary men qarjy dırektorlarynyń qatysýymen baǵdarlamala sharttaryn túsindirýge arnalǵan jumys kezdesýi ótti. Onda oblystyq Kásipkerler palatasy dırektorynyń ekonomıkalyq máseleler boıynsha orynbasary Áset Shaıahmetov baǵdarlama talaptary, qarjylandyrý mehanızmderine keńinen toqtalyp, kompanııa ókilderiniń suraqtaryna jaýap berdi.
- Qarjylandyrý respýblıkalyq bıýdjetten júzege asyrylady. Qarjy alý úshin bankke ótinim berip, baǵalaý men bekitý úrdisterinen ótý kerek. Qazirgi tańda 9 bank kásipkerlerdi 8 paıyz boıynsha nesıeleýge ázir. Qaryz 9 jylǵa beriledi. О́tinimdi qarastyrý kezeńinde sýbsıdııalaý somasy da qarastyrylady, - dedi kezdesýde Áset Shaıahmetov.
«Qarapaıym zattar ekonomıkasy» jobasy Elbasynyń tapsyrmasy boıynsha bastaý alǵan bolatyn. El Úkimeti joba boıynsha halyq tutynatyn taýarlardy, sondaı-aq shıkizat jáne bastapqy óńdeý ónimderin óndirýdi qoldaý úshin 600 mlrd teńge qarjy bóldi. О́ńirler boıynsha bul qarajat jeńil, tamaq, jıhaz óndirisine, qurylys materıaldaryn óńdeý men agroónerkásip keshenin damytý men qoldaýǵa baǵyttalmaqshy.
Qalmahanbet MUQAMETQALI,
«Egemen Qazaqstan»
Almaty oblysy