Bul ótken jyldyń sáıkes kezeńimen salystyrǵanda 38%-ǵa kóp kórsetkish.
Alǵashqy úshtikti bastap turǵan «SaryarqaAvtoО́nerkásip» JShS kósh bastaǵan. Zaýyt qańtar-aqpan 1 078 jeńil kólik qurastyryp, Tájikstanǵa 108 kólik eksporttaǵan.
«Azııa Avto» kásiporny 1401 kólik qurastyrsa, «SemAZ» 36 birlik kommersııalyq tehnıka jınaǵan. «KAMAZ Injınırıng» 48 júk kóligin, al Daewoo Bus 16 avtobýs shyǵarǵan.
Al «QazAvtoО́ndiris» Qazaqstan avtomobıl salasy kásiporyndary odaǵy sońǵy 3 aıda elimizde 323 988 kólik quraly tirkeýge alynǵanyn jáne bul kórsetkish ótken jyldyń sáıkes kezeńimen salystyrǵanda 13,8% artyq ekenin jarııalady. «305 460 birlik kólik quraly ekinshi ret tirkeldi. Esepke birinshi ret alynǵan avtokólikterdiń sany 18 528 boldy», – dep habarlady odaqtyń baspasóz qyzmeti.
Qazaqstan eski kólikterden aryla almaǵan.
Eseptik kezeńde ekinshi ret tirkelgen kólikterdiń kórsetkishi 38,8%-dy qurap, kólik júrgizýshileriniń deni zaýyttan shyqqanyna 20 jyl bolǵan temir tulparlardy taqymdap júrgenin kórsetken. Al sý jańa kólik minetinderdiń qatary ótken jyly 4,7% bolsa, bıyl 3,4%-ǵa túsip qalǵan.
Almaty, Túrkistan oblystary men Almaty qalasy eski kólik kóp satylǵan aımaq dep tanylǵan. «Mashına qurastyrý salasy el ekonomıkasyna mýltıplıkatıvti áser etýin jalǵastyryp jatyr. Búgingi tańda el aýmaǵynda júrgen tanymal 10 kólik brendiniń 7-i otandyq ónim sanalady. Avtokólikti jeńildikpen nesıelendirý baǵdarlamasy júzege asyrylǵannan beri 14 myńǵa jýyq kólik satyldy. Avtonesıelendirýge bólineıin dep jatqan 10 mlrd teńge men kommersııalyq tehnıkaǵa qarastyrylatyn lızıng tutynýshylardyń belsendiligin arttyryp, kólik saýdasynyń kólemin arttyrady dep úmittenemiz», – dedi Qazaqstan avtobıznes qaýymdastyǵynyń vıse-prezıdenti Anar Maqasheva.
Gúlbarshyn AITJANBAIQYZY,
«Eqemen Qazaqstan»
ALMATY