Jyr qarlyǵashy – Farıza

О́leńin ómirine balap, ǵu­myr boıy aıalap ótken poezııa pat­shaıymynyń rýhyna taǵzym etýge baǵyttalǵan sondaı jarqyn kesh ótken aptada elorda tórindegi jetekshi oqý orny – Nazarbaev Ýnıversıtettiń «Rýhanı jańǵyrý» mádenı ortalyǵynda ótti. «Jyr – meniń planetam» dep atalatyn teatrlandyrylǵan ádebı-sazdy konserttik baǵdarlamada Nazarbaev Ýnıversıtet stýdent­teri óner kórsetti. Aqyn ómiriniń túrli kezeńderindegi aıtýly estelikteri men er-azamatqa bergi­siz adamdyq minezi jan-jaqty beı­nelengen sahnalandyrylǵan kó­rinister, sondaı-aq qazaqtyń birtýar aımańdaı uldary Asan­baı Asqarov, Muqaǵalı Maqa­taev, Ábish Kekilbaev, Asqar Súleı­menov syndy zamandas­tary arasyndaǵy rýhanı qarym-qatynas, shyǵarmashylyq izdenis izderi shynaıy sýrettelgen aıtýly kesh jınalǵan kópshilik kórermenniń kóńilin birden baýrap aldy. 

Jalpy, Nazarbaev Ýnıversıtet – álemdik standartqa saı jaratylystaný men medısına baǵytynda bilim alatyn stýdentterdi tek salalyq damytýmen shektemeı, jastardy rýhanı kemeldendirý, ultymyzdyń tarıhy men dástúrin tel emip ósken patrıot azamat etip tárbıeleýde ólsheýsiz úles qosyp kele jatqan jetekshi oqý orny. Onyń aıqyn aıǵaǵy – búgingi biz kýá bolǵan «Jyr – meniń planetam» atty ádebı-sazdy kesh. «Rýhanı jańǵyrý» ortalyǵynyń jetekshisi Gúltas Qurmanbaıdyń jetekshiligimen uıymdastyrylǵan taǵylymdy sharada stýdentterdiń shyǵarmashylyq qarymy men múmkindigi kórermenin tánti etti. 

Sondaı-aq tanymdyq sharanyń taǵy bir eleýli sáti – kesh aıasynda «Jyr qarlyǵashy – Farıza» atty baıqaý jeńimpazdarynyń esimi jarııa etilip, júldegerlerge arnaıy dıplomdar men baǵaly syılyqtar tabys etildi. Atap aıtar bolsaq, negizgi úsh baǵyt boıyn­sha uıym­dastyrylǵan ádebı konkýrsta «F.Ońǵarsynovanyń óleńderin mánerlep oqý» atalymy boıyn­sha ýnıversıtet stýdentteri: Aıa­jan Seıdanova, Saıan Katrenov, Nazerke Les, Qýandyq Maqsutov bastaǵan jas­tar marapattalsa, «F.Ońǵar­syno­vanyń óleńderin aǵylshyn tiline aýdarý» ataly­mynda Darına Júnisova, Aıt­bek Qasymjomart jáne Áset Juma­taı jeńimpaz atandy. Al «F.Ońǵarsynovanyń óleń­derin orys tiline aýdarý» ata­lymyndaǵy syılyqty Mı­ras Qabıbýlla men Mádına Tleý­ǵabyl teńdeı bólisti. Kesh so­ńynda Myrzageldi Kemel, Ońaı­gúl Turjan, Irak Elekeev, Al­tynaı Nógerbek bastaǵan qur­metti qonaqtar jastarǵa bata­syn berip, aq jol tiledi. Poe­zııa padıshasynyń otty jyry oqy­lyp, ásem án men rýhty kúı­den shashý shashylǵan konsert osylaısha óz máresine jetti.