Qazaqstan Respýblıkasynyń ındýstrııa jáne ınfraqurylymdyq damý mınıstrligi Baspasóz derekteri boıynsha, kásibı mamandar jıynynda Qazaqstan, Reseı, Qytaı, Iran, Shveısarııa, Germanııa jáne BAE elderinen qatysqan eki júzden astam sala mamandary osy baǵyttaǵy keshendi máselelerdi ortaǵa saldy.
Konferensııany uıymdastyrý komıtetiniń teń tóraǵasy, Qazaqstan Respýblıkasynyń Mıneraldy shıkizatty keshendi uqsatý jónindegi ulttyq ortalyǵynyń bas dırektory, akademık Ábdirásil Jármenov ashyp, Qazaqstan ulttyq jaratylystaný ǵylymdary akademııasynyń qurylǵanynyna 10 jyl jáne Qazaqstan Respýblıkasynyń mıneraldy shıkizatty keshendi uqsatý jónindegi ulttyq ortalyǵynyń qurylǵanynyna 25 jyl tolyp otyrǵanyn toqtalyp, saladaǵy jetistikter barysyn atap ótti.
Qazaqstan Respýblıkasynyń ındýstrııa jáne ınfraqurylymdyq damý mınıstrligi Indýstrııalyq damý jáne ónerkásiptik qaýipsizdik komıteti tóraǵasynyń orynbasary Qanat Baıtov QR MShKU UO» RMK-y ǵalymdary jasaǵan tehnologııalar halyqaralyq keńistikte elimizdiń bedelin arttyrýmen qatar turaqty ızotoptar óndirisiniń úshtik kóshbasshy tizimine engizgen osmııli konsentrattardy óńdeýde eń taza osmıı-187 ızotopyn alý tehnologııasyndaǵy jetistikteri, dep atap ótti. Munyń qatarynda túrli kontınentterde sapasy tómen qorǵasynquramdy shıkizattan balqytylatyn birinshilik qorǵasynnyń onynshy úlesin óndirip otyrǵan KIVSET tehnologııasy men dúnıe júziniń kóptegen elderinde patenttelgen jáne álemdik metallýrgııa alyby Thyssen Krupp AG jáne POSCO kompanııalarymen birlesip júzege asyrylyp otyrǵan bolatty qyshqylsyzdandyrýǵa jáne modıfıkasııalaýǵa arnalǵan «qazaqstandyq» qorytpasyn alý tehnologııasy bar. Respýblıkada asyl metaldyń ár úshinshi tonnasyn alýdy qamtamasyz etip otyrǵan quramynda altyny bar shıkizattardy óńdeýdiń biregeı tehnologııalary búgingi óndiristiń jetistigi. Alynǵan nátıjeler qazaqstandyqtardyń ál-aýqatyn artyrýǵa jáne memleketimizdiń nyǵaıýyna sózsiz yqpal etedi.
Alqaly jıyn «QazUJǴA» men «QR MShKU UO» RMK-ń kórnekti ǵalymdary men mamandardyn Qazaqstan Respýblıkasy Indýstrııa jáne ınfraqurylymdyq damý mınıstrliginiń, Qazaqstan Respýblıkasy Bilim jáne ǵylym mınıstrliginiń, Qazaqstan Ulttyq Jaratylystaný ǵylymdary akademııasynyń marapattaýymen aıaqtaldy.