Oblys ákimi Q.Kósherbaev óńirdiń kommýnaldyq kásiporyndary shtattyq rejımde jumys istegendigin jáne aýqymdy avarııalar oryn almaǵanyn atap ótti. Sondaı-aq, kelesi jylý berý maýsymyna ýaqytyly daıyndyq júrgizý kerektigin aıtty.
Qyzylorda oblysynyń energetıka jáne turǵyn úı-kommýnaldyq sharýashylyq basqarmasynyń basshysy Medet Ýsaın 2018-2019 jyldardaǵy jylytý maýsymynyń qorytyndysy týraly baıandady.
- Jylý berý maýsymynda oblys boıynsha áleýmettik nysandardyń bilim salasyndaǵy 495, mádenıet jáne sport salasyndaǵy 405, densaýlyq salasyndaǵy 266 nysanǵa jáne ortalyqtandyrylǵan jylý júıesine qosylǵan 763 kópqabatty turǵyn úı jylýmen qamtamasyz etildi. Osyǵan oraı, ortalyqtandarylǵan jylýmen qamtamasyz etetin «Qyzylordajylýelektrortalyǵy» MKK-niń ústimizdegi jylytý kezeńinde toqtaýsyz jumys jasaýy maqsatynda 602 tonna mazýt otyny satyp alyndy. Memlekettik-jekeshelik áriptestik negizinde oblysta qosymsha 31 áleýmettik nysannyń jylý qazandyqtary gazǵa aýystyrylady. Qazirgi tańda, áriptestik aıasynda Aral jáne Shıeli aýdandaryndaǵy 13 áleýmettik nysandardyń jylý qazandyqtary gazǵa aýsytyrylýda. Nátıjesinde, áleýmettik nysandardy jylytýǵa jumsalatyn shyǵyn 4-5 esege tómendeıdi. Qalǵan áleýmettik nysandarǵa konkýrsttyq qujattary ázirlenýde. Bul jumystar gazdandyrylǵan aımaqtarda kezeń-kezeńimen júrgiziletin bolady, - dedi M.Ýsaın.
Sondaı-aq, májiliste kommýnaldyq kásiporyndardyń basshylary men qala jáne aýdan ákimderi atqarylǵan jumystar týraly esep berdi.