Oblysqa jumys saparymen kelgen "Samuryq-Qazyna" ulttyq ál-aýqat qory" AQ Basqarma Tóraǵasy Ahmetjan Esimov Qyzylorda oblysynyń ákimi Qyrymbek Kósherbaevpen jáne "QazMunaıGaz" UK AQ Basqarma Tóraǵasy Alık Aıdarbaevpen birge CRC-1 dánekerleý keshenine baryp,"Saryarqa" magıstraldy gaz qubyrynyń qurylysymen tanysty.
"Saryarqa" gaz qubyrynyń qurylysy Tuńǵysh Prezıdent-Elbasy N.Á.Nazarbaevtyń bastamasymen qolǵa alynǵan bolatyn. Magıstraldyq gaz qubyry Qyzylorda – Jezqazǵan – Qaraǵandy – Temirtaý – Nur-Sultan baǵyty boıynsha ótedi. Gaz qubyry jylyna 2,2 mlrd.tekshe metr kógildir otyn ótkizý múmkindigine ıe, uzyndyǵy 1061 km quraıdy. Bul jobany júzege asyrý 2 mıllıon 700 myń qazaqstandyqty gazben qamtamasyz etýge múmkindik beredi.
Qurylys merdigeri - "QazQurylysServıs" kompanııasy, al operatory - "Astana gaz QMG" mekemesi. Gaz qubyrynyń qurylysy aǵymdaǵy jyldyń sońyna qaraı Elordany gazdandyrýǵa múmkindik beredi dep josparlanýda.
Jobany júzege asyrý aıasynda Jezqazǵan, Qaraǵandy, Temirtaý jáne Nur-Sultan qalalarynda avtomatty gaz taratý stansııalary salynady. Atalǵan qalalarda magıstraldyq gaz qubyryn salýmen qatar, jergilikti bıýdjet esebinen kógildir otyn taratý jelileriniń qurylysy júrgiziletin bolady. Jobanyń qýaty: jylyna 3,6 mlrd.m3. Qurylys barysynda 1690 jumys orny, iske qosylǵan soń 194 jumys orny qurylady.
Qyzylorda oblysy