«Saryarqa» magıstraldy gaz qubyry Tuńǵysh Prezıdent N.Á.Nazarbaevtyń «Prezıdenttiń bes áleýmettik bastamasy» aıasynda qolǵa alynǵan elordany gazdandyrýǵa baǵyttalǵan iri jobalardyń biri. «Qyzylorda – Jezqazǵan – Qaraǵandy – Temirtaý - Nur-Sultan» baǵyty boıynsha jalpy uzyndyǵy 1061 shaqyrymdy quraıtyn gaz qubyrynyń 179 km jýyǵy osy Syr óńirinen ótedi. Búginde qurylys-montajdaý jumystary «QazStroıServıs» UMQK» AQ qarqyndy júrýde. Jobany júzege asyrýǵa jergilikti kompanııalar men jergilikti eńbek resýrstarynda qamtylǵan.
– О́zderińizge belgili Partııa Tóraǵasy «Nur Otan» partııasynyń kezekti HVIII sezinde halyqtyń áleýetin arttyryp, aýyldyq eldi mekenderdiń ınjenerlik jáne áleýmettik ınfraqurylymyn damytýǵa baǵyttalǵan birneshe partııalyq jobalardy júzege asyrýdy tapsyrdy. Sonyń biri osy «Qutty meken» jobasy. Búgin joba aıasynda aımaqtyq partııa fılıalynyń partııalyq baqylaý komıssııasymen birge «Saryarqa» magıstraldy gaz qubyrynyń qurylys-montajdaý jumystaryna, memleket qarjysynyń nátıjeli jumsalýyna partııalyq baqylaý jasap, jumysshylardyń jaǵdaıymen tanysyp otyrmyz. Basty maqsat Partııa Tóraǵasy, Tuńǵysh Prezıdentimizdiń bes áleýmettik bastamasynyń oryndalýyn qadaǵalaý. Árıne, jobanyń óz deńgeıinde júrgizilýi óte qýantyp otyr. Eń bastysy joba iske qosylǵan ýaqytta qanshama otbasyn kógildir otynmen qamtyp qana qoımaı, soltústik óńirlerdegi ekologııany jaqsartatyny anyq. Muny ótken jyly osy magıstraldy gaz qubyry jobasyn júzege asyrýǵa tapsyrma bergen ýaqytta Partııa Tóraǵasy, Tuńǵysh Prezıdentimiz erekshe mańyz berip, atap ótken bolatyn, – dedi Ortalyq partııa apparaty partııalyq baqylaý qyzmetiniń ınspektory, «Qutty meken» partııalyq jobasynyń jetekshisi Nurlan Baımyrzaev.
Qyzylorda oblysy