«QHL matchtaryna bıletterdi satý núktelerinde alýǵa bolady (Barys Arena kassasyn qosa eseptegende). Bıletterdiń baǵasy QHL maýsymyndaǵy «Barys» matchtarynyń ádettegi baǵasynan aspaıdy», – dedi 2019 jylǵy Dúnıejúzilik kýbok uıymdastyrý komıtetiniń ókili, Qazaqstan hokkeı federasııasynyń bas hatshysy Gleb Karataev.
Qazaqstan quramasynyń qatysýymen ótetin matchtyń bılet quny 700 teńgeni quraıdy, basqa komandalardyń qatysýymen ótkiziletin matchtardyń quny – 400 teńge. 7 jasqa tolmaǵan balalar tegin kiredi, biraq olarǵa oryn usynylmaıdy. Múmkindigi shekteýli adamdarǵa 2019wmia@icehockey.kz poshtasy arqyly aldyn ala kelisim boıynsha kirý tegin.
Eske sala keteıik, 2019 jyldyń 29 sáýirinen 5 mamyryna deıin Nur-Sultanda Hokkeıden álem chempıonaty ótedi (I dıvızıon, A toby). Belorýssııa, Vengrııa, Slovenııa, Ońtústik Koreıa, Lıtva jáne Qazaqstan quramalary álemdik hokkeı elıtasynda oınaý quqyna talasady. Qazaqstan erler arasyndaǵy hokkeıden álem chempıonatyn alǵash ret qabyldaýda.