Qala turǵyndary áleýmettik jelilerde ózekti máseleler boıynsha tıisti maǵlumat ala alady. Máselen, qala ákiminiń orynbasary Malıka Bekturova Telegram jelisindegi kanaly arqyly e-júıesiniń kómeginsiz balabaqshaǵa jóneltpe hatty alýdyń múmkindigi týraly aqparat bergen.
«Jeke qabyldaý ótkizgende azamattar maǵan balabaqshaǵa jóneltpe hatty elektrondy júıeniń kómeginsiz alý múmkindigine qatysty suraqty jıi qoıady. Áleýmettik jelilerde balalardy «tez arada, kezekten tys, esh qıyndyqsyz» balabaqshaǵa ornalastyrý týraly habarlamalary bar paraqshalar paıda bolýda. Ata-analarǵa «saýalnamalardy» toltyrýǵa beredi. Onda turǵyndar JSN-men qosa, óz qujattaryndaǵy, balanyń qujattaryndaǵy jeke málimetterdi kórsetýi tıis. О́zderine qajetti aqparatty alǵan alaıaqtar ata-analardyń atynan jeke kabınetke kirip, jóneltpe hattardy alady», – dep jazdy M. Bekturova.
Sondaı-aq, ol kez kelgen ata-ananyń balabaqsha kezegine qatysty aqparatty óz qujattarynyń jeke málimetterin belgilemeı-aq, bile alatyndyǵyn eske saldy.
«Esterińizde bolsyn: balabaqshadaǵy oryndy júıeniń kómeginsiz alýǵa bolmaıdy. Birdeńe túsiniksiz bolsa, bilim basqarmasynyń kómegine júginińiz nemese óz ótinimińizdi bot arqyly qaldyryńyz. Bireýge aqy tólep, jeke málimetterińizdi bermeńizder. О́zińizdiń JSN-di bóten azamatqa bere otyryp siz páterińizde belgisiz azamattyń tirkelgenin, atyńyzǵa telefon nómiriniń tirkelgenin nemese nesıeńizdiń baryn bile alasyz. О́z qujattaryńyzdaǵy málimetterdi alaıaqtardan saqtańyzdar», – dep atap ótti Bekturova.
Budan buryn Nur-Sultan ákimdiginiń resmı saıty elorda aýdandary men ákimdiktiń qurylymdyq bólimderi basshylarynyń Feısbýktegi paraqshalary men jeke uıaly telefondarynyń nómirlerin jarııalaǵan bolatyn. Mundaı tapsyrmany Nur-Sultan qalasynyń ákimi Baqyt Sultanov berdi.