Janashyr jobalar ıgiligi

Partııalastar aldynda sóz alǵan Nur Otan partııa­sy Birjan sal aýdandyq fılıa­ly­nyń tóraǵasy, aýdan ákimi Ermek Nuǵymanov óz óńirinde «Aýyl – el besigi» jobasy aıasynda atqarylyp jatqan jumystarǵa keńinen toqtalyp, tarqatyp aıtyp berdi. Onyń aıtýyna qaraǵanda, aýdanda «Bastaý-bıznes» baǵyty boıynsha sońǵy úsh jylda 88 adam 310 mıllıon teńge kóleminde nesıe alyp, óz kásipterin dóńgeletip otyr. Nesıe alýshylardyń basym kóp­shi­ligi jer jaǵdaıyna baılanys­ty mal sharýashylyǵymen aınalysýda. Búgingi zaman talabyna saı aýyl turǵyndary 21 óndiristik kooperatıv quryp, sharýashylyq salasyn jańa deńgeıge kóterýde. Aýyldaǵy áleýmettik salany mamandarmen qamtamasyz etý barysynda «Dıplommen – aýylǵa!» jobasy boıynsha aýdannyń eldi mekenderine 38 jas maman kelip, olardyń barlyǵy memlekettik qoldaýǵa ıe boldy.

Memlekettik mańyzy bar tórt partııalyq jobanyń biri – «Baqytty otbasy» jobasy. Bul joba boıynsha Shortandy aýdanyn­da atqarylyp jatqan aýqym­dy ister jaıyn partııa­nyń aýdandyq fılıaly tóraǵa­sy­nyń birinshi orynbasary Ahme­dııa Qojamseıitov baıandap ber­di. Maqsatty áleýmettik kómek alýǵa 11 otbasy ótinish bildir­gen. Olarǵa 1 mıllıon 893 myń teńge kóleminde qarajat  bólin­gen. Partııanyń qoǵam­dyq qabyldaýyna áleýmettik máseleler boıynsha 18 kóp balaly anadan 23 ótinish túsip, onyń 9-y oń sheshimin tapqan.

– Partııa uıymdastyrǵan «Naýryz Challenge» aksııasy aıasynda oblystyq, aýdandyq máslıhat depýtattarymen bir­lesip 251 otbasyna 2,3 mıl­lıon teńge kóleminde materıaldyq kómek kórsetildi, – dedi óz sózinde Ahmedııa Qojamseıitov.

Al Jaqsy aýdanynda «Qutty meken» partııalyq jobasyn júzege asyrý maqsa­tynda 27 páterli turǵyn úıdiń qurylysy josparlanyp qoıǵan. Bul páterler áleýmettik jaǵy­nan az qamtylǵan otbasylary­na beriledi. Sondaı-aq 2020 jyly taǵy da birneshe turǵyn úılerdiń qurylysy bastalmaqshy.

Jıyn sońynda partııa ardageri, mesenat, Esil aýdany­nyń qurmetti azamaty Ýálıhan Áripov sóz alyp, al­daǵy saılaýda ár adam óziniń aza­mattyq ustanymyn kór­setip, mańyzdy naýqannan tys qalmaýǵa shaqyrdy. Kon­feren­sııa qorytyndysy boıynsha Nur Otan partııa­synyń kezekten tys ótetin sezine delegattar saılandy.

Aqmola oblysy