«Nursultan Nazarbaev «Nur Otan» partııasynyń tóraǵasy retinde respýblıka azamattarynyń ekonomıkalyq ál-aýqatyn jaqsartýǵa, elimizdegi beıbitshilik pen turaqtylyqty saqtaýǵa baǵyttalǵan baǵdarlamalardy júzege asyrýdyń kepili bolyp qala beredi. «Nur Otan» partııasynyń QR Prezıdenti saılaýyna usynylǵan kandıdatty tolyq qoldaımyz. Biz Elbasynyń strategııasyn jalǵastyratynyna jáne táýelsiz Qazaqstannyń turaqtylyǵyn qamtamasyz etýge jáne odan ári damýyna baǵyttalǵan strategııalyq baǵdarlamalardy tıimdi jáne tolyq júzege asyrý úshin barlyq kúsh-jigerimizdi jumsaıtynyna nyq senimdimiz», dedi 200-ge jýyq adam qatysqan jıynda medısına qyzmetkerleri.
Sonymen qatar, jıynǵa qatysýshylar Qazaqstannyń búgingi jetistigi elimizdiń Tuńǵysh Prezıdenti – Ult Kóshbasshysynyń esimimen tyǵyz baılanysty ekenin atap ótti.
«Táýelsizdik jyldary Qazaqstan áleýmettik-ekonomıkalyq ózgeristerdi ótkizýde, densaýlyq saqtaý, bilim, ǵylym men mádenıetti damytýda zor tabystarǵa qol jetkizdi. Bizdiń azamattarymyzdyń ál-aýqatyn jaqsartýǵa baǵyttalǵan memleket saıasatynyń rettiligi adam qyzmetiniń barlyq salalarynda óz kórinisin tabady. Ekonomıka qarqyndy damýda», delingen úndeý hatta.