«Atyraý-aqparat» medıa holdıngine qarasty «Atyraý» jáne «Prıkaspııskaıa kommýna» oblystyq gazetteri men «Serper», «Keń Jyloı», «Maqat tynysy» sııaqty 7 aýdandyq gazettiń bas redaktorlary men tilshileri el gazetinde eki kún boıy bolyp, ózara tájirıbe almasty, sheberlik saǵattaryna qatysty.
Bas basylym basshysy D.Qydyráli atalǵan basqosýdyń qazirgi aqparat naryǵyndaǵy básekelestik jaǵdaıynda mańyzy zor ekenin atap ótip, dástúrli basylymdardyń sapaly kontentin qalyptastyrý baǵytyndaǵy medıamenedjmentke qatysty oılarymen bólisti. Sondaı-aq «Egemen Qazaqstan» respýblıkalyq gazeti men «Atyraý-aqparat» JShS basshylary ózara áriptestik týraly memorandýmǵa qol qoıyp, aldaǵy ýaqytta da ekijaqty tyǵyz qarym-qatynas ornatýǵa ýaǵdalasty.
«Otanymyzdyń shalǵaı shetindegi óńir retinde bizge osy ispetti kásibı baılanystardyń bereri mol», deıdi atyraýlyq áriptester.