Elektrondy oqýlyqtar muǵalimderdiń jumysyn, oqýshylardyń sómkesin jeńildetedi

Máselen, «Almatykitap bas­pasy» 2018 jyly 1 qyr­kúıekte Qazaqstannyń bi­lim berý isine elektrondy oqýlyqtardy engizýdi bas­ta­ǵan bolatyn. Qanat­qaq­ty joba elimizdiń 11 mek­te­binde qolǵa alynyp, el­orda­daǵy №85 mektepte ótken alǵashqy sabaqqa Tuń­ǵysh Prezıdent – Elbasy qatys­qa­ny esimizde. Alaıda bul bastama áli de bolsa keshendi ju­mys­tar júrgizýdi talap etip otyr. Osyǵan baılanysty «Almatykitap baspasy» Alma­­­tydaǵy Kitap úıinde www.opiq.kz platformasynda elek­­trondy oqýlyqtardy engizý jónindegi baıqaýdyń bastal­­ǵany týraly jarııalap, arnaýly jıyn ótkizdi. 

Bul sharaǵa Nur-Sultan, Almaty, Taraz qala­la­ryn­daǵy mektepterdiń muǵa­limderi men ata-analary, bilim basqarmalary ókil­deri qatysyp, elektron­dy oqýlyqtardyń múm­kin­dik­te­rin kórdi. 

Qazir bul jobaǵa Qazaq­stan­nyń 5 obly­syn­­daǵy 11 mektepten 350 muǵalim men 1 myń oqýshy qatysyp otyr. Al www.opiq.kz platformasynda jańartylǵan baǵdarlama boıynsha 1, 2, 3, 5, 6, 8 synyp oqýlyqtary ornalastyrylǵan. Elek­tron­dy oqýlyqtar ınteraktıv mýltımedıa materıaldarymen baıytylǵan. Bul oqýlyqtar tapsyrmalardy barynsha qamtýǵa múmkindik beredi jáne avtomatty túr­­de tekserý rejimimen jabdyq­tal­ǵan. 

Baıqaý uıym­das­ty­r­ý­­shylary www.opiq.kz plat­for­­masyndaǵy elek­tron­­dy oqýlyqtar oqýshy­nyń qa­jet­tilikterine beıim­de­­lip, muǵalimge de oqý úde­­risin barynsha tıim­di qurýǵa septesetinine senim­­di. Elektrondy oqý­lyq­­­tardy qoldaný barysynda ártúrli álippe bazasynda qatarlas mátinderdi oqýǵa bolatyndyqtan, bul memlekettik tildiń kırıllısadan latyn álipbıine ótý úderisin barynsha ońaılatýy tıis.

– Degenmen, elektrondy oqýlyqtar qaǵaz oqýlyqtardy túgeldeı aýystyrady degen sóz joq. Oqýlyqtaǵy bilim balanyń jas ereksheligin eskere otyryp berilgen. Bir ǵana taqyryppen tanysa otyryp, týra osy taqyryptaǵy basqa synyptarda qamtylǵan oqý materıaldaryn da kórýge, oqýǵa, tyńdaýǵa múmkindik alady. Pánaralyq baılanys degenimiz osy, – deıdi «Almatykitap baspasy» qazaq redaksııasynyń bas redaktory О́mirzaq Ábdishúkiruly.

Elordadaǵy №62 mektep lıseıiniń ustazy Alma Turǵanbekova: «Elekt­ron­dy oqýlyqtardyń artyq­shy­ly­ǵy, kitap tasýdyń qajeti joq. Kez kelgen gadjet arqyly oqýshy úı tapsyrmasyn oryndaı alady. Burynǵy múmkin bolmaǵan jaǵdaıǵa osy www.opiq.kz arqyly qol jetkizip otyrmyz» deıdi. Muǵalim Alma Bazarǵalı­qy­zynyń oıynsha, bul oqýlyqtyń eń bir tıim­di jaǵy balalar óziniń oqý úlge­rimin baǵalaı alady. Baǵdarlama, sabaq, oqý­lyq aıasynda jasalǵan. Ári birizdilik saqtalady. Elek­tron­dy oqýlyqtar oqýshyǵa taqyrypty etene sezinip, sol pánge degen qyzyǵýshylyǵyn arttyrady dep esepteıdi.

Bilim berýde elektrondy oqýlyqtardyń júıesi tıimdi qurylǵan. Oǵan qosa, osy joba arqyly shalǵaı eldi mekenderdiń oqýshylary jańa kitaptardy oqı alady. Qazir bul materıaldar bazasy Estonııa memleketiniń tájirıbesinde qoldanysta bar. Sondyqtan saltanatty sharaǵa Estonııanyń Qa­zaq­­standaǵy Tótenshe jáne ókiletti elshisi Heı­tı Mıaemees myrza, «Alma­tykitap bas­pasy» baspa­synyń dırektorlar keńesiniń tóraıymy Eleonora Batalova, «AVITA» baspasynyń jetekshisi Lı Krııska qatysty. 

– Dál qazirgi tańda www.opiq.kz platformasyna bizdiń baspada jaryq kórgen 1-10 synyp oqýshylaryna arnalǵan 40 oqýlyq engizilgen. Biz balalardyń da, ata-analar­dyń da, muǵalimderdiń de usynys-pikirlerin eskerip otyrmyz. Eń bastysy, oqý úlgerimi ortasha balalardyń ózinde ilgerileý baıqalyp otyr. Jaqsy nátıje kórsete bastaǵan shákirtter bar, – deıdi «Almatykitap baspasy» baspasynyń prezıdenti Gaýhar Saımasaeva.

Qalaı desek te, elektron­dy oqýlyqtardy engizý mek­tep­tiń de, ata-analardyń da qarajatyn áldeqaıda únem­deıdi. Muǵalimderdiń ju­mysyn, oqýshylardyń sómkesin jeńildetedi. Al bilim sapasy, árıne basty nazarda bolmaq. ALMATY