Batys Qazaqstan oblysynyń Bitik kentinde týyp-ósken qarapaıym ǵana aýyl balasy ǵylymnyń nárine tereńnen boılap, osy salada orasan zor tabysqa qol jetkizdi. Orta mektepti altyn medalmen támamdaǵan ol Reseıdiń Saratov qalasyndaǵy Mehanıkalandyrý jáne elektrlendirý ınstıtýtyna oqýǵa tústi. Stýdenttik shaǵynda da alǵyrlyǵymen oqshaýlandy. Lenın stıpendıaty atanyp, aıtýly bilim oshaǵyn qyzyl dıplommen aıaqtady.
О́z qatarlastarynyń aldy bolǵan Anvar Ǵafýruly 1970 jyly tehnıka ǵylymdary boıynsha kandıdattyq dıssertasııany sátti qorǵady. 1976 jyly 32 jasynda tehnıka ǵylymdarynyń doktory atandy. Sol kezeńde elimizde otyzdan endi ǵana asqan shaǵynda dál osyndaı bıik dárejege jetken tehnıka salasynyń ǵalymdary ilýde bireý ǵana edi.
A.Akchýrın kóptegen aýqymdy eńbekter jazdy. 1975 jyly Qazaqstan Lenın komsomoly syılyǵynyń laýreaty atandy. Sonymen qatar KSRO ónertapqyshy (1983), Qazaqstannyń qurmetti jol qyzmetkeri (1989), KSRO Joǵary mektebiniń úzdigi (1990), akademık (1998), JOO-nyń eń úzdik oqytýshysy (2007), «Qazaqstannyń ǵylymyn damytýǵa qosqan úlesi úshin» medaliniń ıegeri degen ataqtary taǵy bar.
A.Akchýrın 1979-1983 jyldar aralyǵynda Respýblıkalyq ǵylymı eńbekti uıymdastyrý jáne óndiristi basqarý ortalyǵyna jetekshilik etti. Odan keıingi ýaqytta Qazaqtyń avtojol ınstıtýtynyń rektory, Prezıdent janyndaǵy Memlekettik qyzmet akademııasynyń oqý-ádistemelik jumys ortalyǵynyń dırektory, Basqarý ınstıtýtynyń prorektory qyzmetterin atqardy. Bir sózben aıtsaq, aıtýly azamattyń otandyq ǵylym men kólik salasynyń damýyna qosqan úlesi orasan zor.
О́ziniń sanaly ǵumyryn tolyqtaı bilim men ǵylymǵa arnaǵan Anvar Akchýrınniń jetekshiligimen 800-den asa maman dıplomdyq jobalaryn oıdaǵydaı qorǵady. Ulaǵatty ustazdan tárbıe alǵan shákirtterdiń deni respýblıkamyzda jol kóligi, halyq sharýashylyǵyn basqarý, qurylys jáne basqa da salalardyń damýyna súbeli úles qosýda. Búginde el ekonomıkasyn órkendetý jolynda A.Akchýrınniń shákirtteri tynbaı eńbek etýde.
Mine, «Ustazy jaqsynyń ustamy jaqsy» degen ulaǵatty sóz osyndaıda aıtylsa kerek.