О́zara tıimdi yntymaqtastyqtyń kórinisi

«Bir beldeý – bir jol» atty halyqaralyq yntymaqtastyq forýmy aıasynda «Samuryq-Qazyna» AQ Beıjiń qalasynda jeke­shelendirý máseleleri jáne Qordyń ınvestısııalyq múm­kindikteri jaıly dóńgelek ústel ótkizdi. Is-shara Qytaıdaǵy isker­lik qaýymdastyqtyń qyzyǵý­shylyǵyn týdyrdy. Sharaǵa Qazaqstannyń ulttyq jáne jeke­menshik kompanııalarynyń top-menedjerleri, Qytaı bıznesi­niń ókilderi, Qytaıdaǵy iri memlekettik korporasııalardyń basshylary qatysty. 

Dóńgelek ústeldiń saltanatty ashylýynda sóz alǵan Qor­dyń Basqarma tóraǵasy Ahmet­jan Esimov halyqaralyq kompa­nııa­lardy ózara tıimdi yntymaqtas­tyqty jandandyrýǵa shaqyrdy. «Qordyń jańa damý strategııasy aıasynda biz Qazaqstandaǵy jobalarǵa belsendi túrde ınves­tısııa quıamyz. Qor portfelin ártaraptandyrý maqsatynda «Samuryq-Qazyna» ózge táýelsiz qorlarmen jáne ınvestorlar konsorsıýmymen strategııalyq seriktestikke kirý múmkindigin qarastyryp jatyr. Qazaqstan men Qytaı Halyq Respýblıkasy ara-qatynasynyń barlyq salalarynda kórshilik tatýlyq ornaǵan. Eki memleket basshysynyń strategııalyq kózqarastaryna súıene otyryp, biz ekijaqty qarym-qatynasty damytyp kelemiz», dedi Ahmetjan Esimov sóılegen sózinde. 

Is-shara barysynda Qor men onyń kompanııalary qytaılyq serik­testerimen birqatar keli­sim­derge qol qoıdy. Atap aıt­qan­da, «Samuryq-Qazyna» AQ pen Qytaıdyń Eýrazııalyq eko­nomı­kalyq yntymaqtastyq qory arasynda ınvestısııalar sala­syn­daǵy yntymaqtastyq týraly keli­simge qol qoıyldy. Kelisim joba­larǵa ınvestısııa quıý múmkindigin birlesip qarastyrýǵa jol ashady. 

Sonymen qatar «Samuryq-Qazyna» AQ-tyń «Eurasian Nurly Investment Fund» qoryna áleýetti ınvestor retinde qatysý nıetine baılanysty memorandýmǵa qol qoıdy. Jańa qordyń seriktesteri – «SITIC Group», Baiterek Holding, Asian Investment Finance Group jáne «Samuryq-Qazyna» AQ. «Eurasian Nurly Investment Fund» 500 mln AQSh dollaryn tartýdy josparlap otyr. Sheteldik ınvestısııalardyń proporsııasy 1:8-di quraıdy, ıaǵnı Qazaqstan Respýblıkasy quıǵan 1 dollarǵa 8 dollardan astam sheteldik ınves­tısııa tartylady. 

Al «Birikken hımııalyq kompanııa» JShS jáne «Huajin Group» arasynda mıneraldy tyńaıt­qyshtardy óndirý joba­synyń tehnıkalyq-ekono­mıkalyq ne­giz­demesin birlesip ázirleý týraly kelisimge qol qoıyldy. Joba­da Qytaıdyń strategııalyq qytaı­lyq ınves­tory Huajin Group (NORINCO) qatysýymen Qazaq­standa qýaty 800 myń tonna bola­tyn zaýyt­tyń qurylysy qaras­tyrylǵan. Aldyn ala esep boıyn­sha joba­nyń quny 600 mln AQSh dol­laryn quraıdy. Bul joba Qytaı­dyń jáne Eýropalyq odaq­tyń naryqtaryndaǵy Qazaq­stan­nyń eksporttyq áleýetin keńeıtedi. Jobany iske asyrý merzimi 2020 jyldan 2023 jylǵa deıin josparlanyp otyr.