«BJT tólemi áldeqaıda ońaı jáne qoljetimdi boldy. Uıaly telefon arqyly tólemderdi jasaýdyń artyqshylyǵy daýsyz, uıaly telefon árdaıym qol astynda, bul ýaqytty jáne aqshany únemdeýge jańa múmkindik. Bankke baryp, kezekte turyp, ýaqytty joǵaltýdyń qajeti joq. Eń bastysy - uıaly telefonyńyzdyń teńgeriminde aqshanyń bolýy», - dep «Qazposhta» AQ-nyń bıznes jónindegi basqarýshy dırektory Baýyrjan Aınabekov jańa qyzmettiń artyqshylyqtaryn túsindirdi.
Búgingi tańda osy qyzmetti Kcell, Activ jáne Beeline abonentteri paıdalana alady. Tólem júrgizý úshin 5505 nómirine «gorodesp IIN» (elorda, respýblıkalyq jáne oblystyq mańyzy bar qalalardyń turǵyndary úshin) jáne «seloesp JSN» (basqa eldi mekender turǵyndary úshin) mátini bar SMS-ti joldaý qajet. Teńgerimnen tólem somasy men 100 teńge kólemindegi komıssııa esepten shyǵarylady. BJT tólemi SMS jiberilgen aıda esepteledi.
SMS arqyly tólemdi, bank kartalarynan dástúrli tólemmen birge Paypost ınternet-ekvaırıngi qabyldaıdy. «Bolashaq uıaly telefonnyń teńgerimi arqyly tólem júrgizý bolatynyna sózsiz. Qazposhta osyndaı tásilmen tóleýge bolatyn qyzmetter spektrin odan ári keńeıtetin bolady. Uıaly telefon únemi janyńda bolatyn jáne onyń kómegimen ózińniń jeke qarajatyńdy basqarýǵa bolatyn shaǵyn jınaq kassaǵa aınalýy kerek» - dedi Baýyrjan Aınabekov.