Kenshiler astanasynda Uly Jeńistiń 74 jyldyǵy merekesi qarsańynda soǵys ardagerleri 300 myń teńgeden, al olarǵa teńestirilgen sanattaǵy tulǵalar 20 myńnan 100 myń teńgege deıin aralyqta bir rettik materıaldyq kómek aldy.
Naqtyraq aıtqanda, óz erkimen jaldanǵandarǵa, konslagerlerdiń tutqyndaryna jáne qorshaýda bolǵan Lenıngrad turǵyndaryna 100 myń teńgeden, al qalǵan sanattaǵylarǵa 20 myń teńgeden tólendi. Sonymen qatar, Chernobyl atom elektr stansasy apatynyń saldaryn joıýǵa qatysýshylar 100 myń teńgeden aldy. Osy maqsattarǵa qala bıýdjetinen 127 mıllıon teńge bólingen bolatyn.
Eske salsaq, oblys ortalyǵynda Uly Otan soǵysynyń 43 ardageri men múgedegi jáne olarǵa teńestirilgen sanatqa enetin 5216 adam turady.
Qaraǵandy oblysy