Juma, 31 mamyr 2013 2:26
Mamyr aıynyń orta sheninde elimizde «О́zińnen basta!» aksııasy bastalǵan bolatyn. Mundaǵy basty maqsat memlekettik organ jetekshileriniń belgili bir ýaqyt aralyǵynda alatyn, tabatyn tabysynyń mólsherine jarııalylyq berý edi. Osy arqyly turǵyndardyń úlkendi-kishili basshylarǵa qatysty aıtylyp qalatyn «iship qoıypty, jep qoıypty» delinetin ártúrli alyp-qashpa sózderine tosqaýyl qoıý nıeti de kózdelgeni jasyryn emes. Iá, senim ornyqpaǵan jerde kim-kimdi de sezik bıleıtini aıtpasa da belgili emes pe.
Juma, 31 mamyr 2013 2:26
Mamyr aıynyń orta sheninde elimizde «О́zińnen basta!» aksııasy bastalǵan bolatyn. Mundaǵy basty maqsat memlekettik organ jetekshileriniń belgili bir ýaqyt aralyǵynda alatyn, tabatyn tabysynyń mólsherine jarııalylyq berý edi. Osy arqyly turǵyndardyń úlkendi-kishili basshylarǵa qatysty aıtylyp qalatyn «iship qoıypty, jep qoıypty» delinetin ártúrli alyp-qashpa sózderine tosqaýyl qoıý nıeti de kózdelgeni jasyryn emes. Iá, senim ornyqpaǵan jerde kim-kimdi de sezik bıleıtini aıtpasa da belgili emes pe.
Atalǵan aksııa talabyna oraı «Nur Otan» HDP Batys Qazaqstan oblystyq bólimshesi óńirdegi memlekettik organ basshylaryna ózderiniń tabystaryn jergilikti baspasóz betterinde jarııalaýy jónindegi usynys-tilekterin joldady. Buǵan olardyń bári de qarsy kelgen joq dep habarlady gazet tilshisine fılıal tóraǵasynyń orynbasary Aqqalı Áýbekerov.Osy arada oǵan alǵashqy bolyp ún qatqandardyń biri Batys Qazaqstan oblysynyń ákimi Nurlan Noǵaev ekenin de aıta ketken jón. Oblystyq gazetterde jarııalanǵan derekterge kóz salsaq, ol aı saıyn otbasyna tabys retinde 461 myń teńge kirgizedi eken. Sondaı-aq, óńir basshysy qyzmettik úıde turatynyn málimdegen.Al oblystyq basqarmalar men departamentter arasynda jolaýshylar kóligi jáne avtomobıl joldary men energetıka jáne turǵyn úı-kommýnaldyq sharýashylyq basqarmalarynyń basshylary Nurlan Bekqaıyr men Mergen Magýtov óz tabystaryn jarııalaǵan. Oǵan kóz salsaq, N.Bekqaıyrdyń Oral qalasynda jeke úıi bar. Basqa jyljıtyn nemese jyljymaıtyn múlki joq. Al, M.Magýtovtyń 2013 jyldyń bes aıynda alǵan salyqsyz taza jalaqysy 747 myń 572 teńge quraıdy.Temir QUSAIYN,«Egemen Qazaqstan».Batys Qazaqstan oblysy.