Ǵalymjan Meldeshov 1964 jyly 30 sáýirde Almaty qalasynda dúnıege kelgen. 1981-1986 jyldary Almaty qalasynda S.M. Kırov atyndaǵy Qazaq memlekettik ýnıversıtetin «jýrnalıst» mamandyǵy boıynsha támamdady. 1986-1989 jyldar aralyǵynda Ońtústik Qazaqstan oblysy Bógen aýdandyq gazetinde jaýapty hatshy, bas redaktordyń orynbasary, oblystyq «Ońtústik Qazaqstan» gazetinde qyzmetker, 1989-1999 jyldar aralyǵynda respýblıkalyq «Lenınshil Jas» - «Jas Alash» gazetinde bólim meńgerýshisi, jaýapty hatshy, bas menedjer, 1999-2009 jyldar aralyǵynda «Túrkistan» gazetinde bas redaktordyń orynbasary, 2009-2012 jyldar aralyǵynda «Qazaqstan» RTRK «Qazaq radıosynyń» bas dırektory, 2012-2013 jyldar aralyǵynda Qazaqstan Respýblıkasy Bilim jáne ǵylym mınıstriniń keńesshisi, osy mınıstrlikke qarasty «Ǵylym qory» AQ Ákimshilik departamentiniń dırektory, 2013-2014 jyldar aralyǵynda Mańǵystaý oblysy ákimdiginiń «Mańǵystaý-Medıa» holdınginiń bas dırektory, 2014-2016 jyldar aralyǵynda Qazaqstan Respýblıkasy Mádenıet jáne sport mınıstriniń keńesshisi, 2016-2018 jyldar aralyǵynda Qazaqstan Respýblıkasy Mádenıet jáne sport mınıstrliginiń Tilderdi damytý jáne qoǵamdyq-saıası jumys komıteti tóraǵasynyń orynbasary.
2018 jyldyń qyrkúıek aıynan bastap Qazaqstan Respýblıkasy Mádenıet jáne sport mınıstrliginiń Til saıasaty komıteti tóraǵasynyń orynbasary qyzmetin atqarýda.
Memlekettik nagradalary: «Qurmet» ordeni. «Qazaqstan Respýblıkasynyń Táýelsizdigine 25 jyl», «Qazaqstan Respýblıkasy Konstıtýsııasynyń 20 jyldyǵy» merekelik medaldary, Qazaqstan Respýblıkasynyń Mádenıet qaıratkeri.
Ǵalymjan Meldeshov - psıhologııa ǵylymdarynyń kandıdaty, PhD doktory.