Taldyqorǵan qalasyndaǵy Ilııas Jansúgirov atyndaǵy Mádenıet úıinde Qazaqstan Respýblıkasy Prezıdentine úmitker Ámirjan Qosanovty qoldaýǵa arnalǵan dóńgelek ústel ótti.
Dóńgelek ústelde Ámirjan Qosanovtyń saılaýaldy tuǵyrnamasynyń negizgi baǵyttary jaıynda áńgime órbip, qoǵamdyq shtab músheleri turǵyndardy tolǵandyrǵan suraqtarǵa jaýap berdi. Al oblystyq saılaý shtabynyń úılestirýshisi Júkel Hamaı kandıdattyń saılaýaldy platformasynda kórsetilgen «Ulttyq dástúrlerdi damytý jáne dástúrli qundylyqtardy saqtaý» taqyrybynda sóz sóıledi.
Is-shara barysynda jıynǵa kelgen oblystyq aqsaqaldar keńesiniń ókilderi men ardagerler jáne stýdentter sóz sóılep, óz kózqarastarymen bólisti. Úmitkerge amanat júktegen aqsaqaldar tarapynan birqatar máseleler kóterilip, olardyń sheshý joldary jaıynda usynys aıtyldy.