Sondaı-aq Almaty qalasyndaǵy Qazaq onkologııa jáne radıologııa ǵylymı-zertteý ınstıtýtynda Densaýlyq saqtaý mınıstriniń tóraǵalyǵymen ótken selektorlyq otyrysta respýblıka boıynsha onkologııalyq naýqastarǵa medısınalyq kómek kórsetý sapasy týraly, dári-dármekpen qamtamasyz etý máseleleri talqylandy.
«Qazaq onkologııa jáne radıologııa ǵylymı-zertteý ınstıtýty» AQ basqarma tóraıymy mindetin atqarýshy Dılıara Qaıdarova 2016-2019 jyldarǵa arnalǵan memlekettik densaýlyq saqtaýdy damytý «Densaýlyq» baǵdarlamasy boıynsha jáne Qazaqstan Respýblıkasyndaǵy onkologııalyq aýrýlarǵa qarsy kúres jónindegi 2018-2022 jyldarǵa arnalǵan Keshendi jospar is-sharalarynyń oryndalǵany týraly baıandama jasady.
Dılıara Qaıdarovanyń aıtýynsha, 2018 jyldyń qorytyndysy boıynsha barlyq onkologııalyq baǵdarlamalar boıynsha kórsetkishterge qol jetkizildi, 0-1 satylardaǵy erte anyqtaý dıagnostıkasy 26,2% -ǵa deıin ósti, 5 jyl ómir súrý deńgeıi 51,0%-ǵa deıin ósti. Sonymen birge, 2019 jyldyń birinshi toqsanynyń qorytyndysy boıynsha birqatar aımaqtarda (Almaty, Qyzylorda, Atyraý, Túrkistan oblystary men Shymkent qalasynda) kórsetkishterdiń josparly mánine qol jetkizilmeý qaýpi oryn alǵan.
Sondaı-aq, Mınıstr Almaty, Atyraý jáne Qyzylorda oblystarynyń densaýlyq saqtaý basqarma jetekshilerine onkologııalyq uıymdarda bas dáriger laýazymynda otyrǵan tulǵalardyń laýazymdyq orynǵa sáıkestigin kóterý týraly tapsyrma berdi.