Balqash qalasynda jalpy bilim beretin orta mektepter arasynda «Balǵyn qutqarýshy» jarysy ótti. Saıysty qalalyq tótenshe jaǵdaılar basqarmasy men bilim berý bólimi birigip uıymdastyrdy.
Jarysqa qaladaǵy 8 mektep komandalary quramyndaǵy 80-nen astam oqýshy qatysyp, úsh kezeńnen turatyn synda óz ónerlerin ortaǵa saldy. Balǵyn qutqarýshylar óz komandasyn tanystyrý, alǵashqy dárigerlik kómek kórsetý jáne qabyrǵa gazetin shyǵarý syndy saıysta sheberlik jarystyrdy.
Saıys qorytyndysynda qazylar alqasynyń sheshimimen №8 orta mekteptiń komandasy úzdik dep tanyldy. Ekinshi júldeni Abaı atyndaǵy orta mekteptiń oqýshylary jeńip alsa, úshinshi orynǵa №9 jalpy bilim berý mekemesiniń jas qutqarýshylary ıe boldy.
«Balǵyn qutqarýshylar» saıysynyń jeńimpazdary men júldegerlerine ǵana emes, barlyq qatysýshylaryna baǵaly jáne tátti syılyqtar tabys etildi.
Qaraǵandy oblysy