27 mamyrda Kaspıı teńiziniń jaǵalaýynda Halyqaralyq Avtomobıl Federasııasynyń (FIA) rallı-reıdten «Rallı Qazaqstan 2019» Álem kýboginiń tórtinshi kezeńi bastalady. Bul týraly Qazaqstan Respýblıkasy Avtomotosport Federasııasynyń baspasóz agenttigi habarlady.
Aqtaýdan bastaý alyp, osy qalada óz mejesine jetetin jarystyń jalpy qashyqtyǵy 2500 shaqyrymnan asady. Qazaqstandaǵy doda bıylǵy álem birinshiliginiń eń qashyq kezeńi bolyp tabylady. Avtoshabandozdar alty kún boıy Mańǵystaý ólkesinde tas pen qum, sor men jolsyz daladaǵy saıysta óz baǵyn synamaq. Álem avtosporty úzdikteriniń saıysy Qazaqstannyń batysynda 1 maýsymǵa deıin jalǵasady.
«Rallı Qazaqstan 2019» dodasyna ishinde Belgııa, Brazılııa, Germanııa, Katar, Ispanııa, Italııa, Nıderlandy, Portýgalııa, Reseı, Saýd Arabııasy, Slovakııa, Túrkmenstan, Chehııa, Chılı jáne Fransııa elderi bar – barlyǵy 17 elden 28 ekıpaj qatysýǵa nıet bildirgen. Olardyń ishinde. Qazaqstannyń namysyn rallıde birneshe sporttyq ekıpaj qorǵaıdy.