Shomylý maýsymynda abaılańyz!

Elimizdiń sý aıdyndaryn­da qaýipsizdikti qamtamasyz etý maqsatynda TJK bólim­sheleri polısııa departa­men­timen jáne jergilikti at­qarýshy organdarmen bir­lesip praktıkalyq jáne pro­fılaktıkalyq is-sharalar keshenin júrgizýde. «Búgingi tańda elimizde 107 qalalyq jáne 500 jeke jaǵajaı sýǵa shomylý úshin belgilengen. Myńnan astam orynda sýǵa shomylýǵa tyıym salynǵan. Ol jerlerde 1510 eskertý bel­gisi jáne adamdardyń qaza bolý faktileri, sebep­teri men oǵan yqpal etken jaǵdaılar jazylǵan 378 kórneki stend ornatylǵan», dedi Iý.Ilın. 

Vıse-mınıstr jeke jaǵa­jaılarda kezekshilik etý úshin TJK bólimshelerinde ar­naıy daıarlyqtan ótken qo­ǵamdyq qutqarýshy-ja­saq­shylar esebinen 114 obek­tilik qut­qarý beketi qu­ryl­ǵanyn jet­kizdi. «Sý aı­dyn­darynyń qaýip­ti jáne qor­ǵalmaıtyn ýchas­kelerinde je­del-qutqa­rý jasaqtary qo­symsha 53 mobıldi qutqarý be­ket­te­riniń kezekshiligin uıym­das­tyrdy. Sýǵa ketip qaıtys bo­lýdyń aldyn alýdyń ne­giz­gi quraldarynyń biri – ha­lyqpen aqparattyq jumys. Jyl basynan beri óńirlerde 28 brıfıng ótkizildi, halyq arasynda 65 myńnan astam úgit-nasıhat ónimderi (paraq­shalar, jadynamalar, broshıýralar) taratyldy, tele-radıolarda 556 sóz sóıleý uıym­dastyryldy», dedi ol.

Sondaı-aq Ishki ister mı­nıstriniń orynbasary ba­lalardyń sýǵa batýynyń aldyn alý máselelerine erekshe kóńil bólinetinin atap ót­ti. «Elimizdiń oqý oryndaryn­da jospardan tys ata-analar­ jınalysy ótkizilip, olarǵa sý aıdyndaryndaǵy qaýipsizdik sharalary aıtyldy. Sýda qaýip­sizdik boıynsha 152-den­ astam ınteraktıvti sa­baq uıymdastyryldy. Oǵan 140 myńnan asa oqýshy qamtyl­dy», dedi Iý.Ilın.

Sý qoımalaryna jaqyn orna­lasqan 45 balalar la­ge­rinde qutqarýshylar jaǵa­jaıdyń túbin, qutqarý jab­­dyqtaryn tekserip, aq­parat­tyq stendter ornatqan. «Sýǵa shomylý maýsymynyń qyzǵan ýaqyty maýsym-shilde aılary. Bul halyqtyń basym bó­ligi eńbek demalysyna, balalar jazǵy demalysqa shyqqan ýaqyt. Ol kezde adamdar jap­paı sý aıdyndaryna bara­dy» degen vıse-mınıstr jyl saıyn qaıtalanatyn sýda jaza­taıym jaǵdaıǵa tap bolý­dyń sebebin adamdardyń qarapaıym qaýipsizdik ere­jelerin saqtamaýmen baılanystyrdy. Sondyqtan da Tótenshe jaǵdaılar komıteti jurtshylyqty sýdaǵy qaýip­sizdik erejelerin qatań saq­taýǵa shaqyrdy.