Jastardyń aldynda sóılegen sózinde Almaty ákimi Baýyrjan Baıbek Qazaqstannyń memlekettik rámizderi Otanǵa, el tarıhy men memlekettik tilge, mádenıet pen dástúrge degen shynaıy súıspenshiliktiń kórinisi ekenin atap ótti.
Saltanatty sharaǵa qatysqan qala ákimi Baýyrjan Baıbek osydan 27 jyl buryn Almatynyń naq tórinde asa mańyzdy tarıhı oqıǵa – tuńǵysh ret memlekettik rámizder qabyldandy. Tý, Eltańba men Ánuran - halqymyzdyń armany men ańsarynyń, darhandyǵy men daralyǵynyń, áleýeti men múmkindiginiń jıyntyq kórinisi, dep atap ótti. - Búgingi Qazaqstan - turaqty damyǵan, órken jaıǵan memleket. Sizder, táýelsiz Qazaqstannyń óskeleń urpaqtary tereń bilim, eren eńbek jáne ózara toptasý arqyly Otanymyzdy, bilim men ǵylymdy, ekonomıkany alǵa jyljytasyńdar. Elbasy bir sózinde «Biz táýelsizdikke ańsap, zaryǵyp jettik. Endi sol táýelsizdiktiń qasıetti belgilerin de erekshe qadirleýimiz, qasterleýimiz kerek. Árbir azamat Qazaqstannyń Týyn, Eltańbasyn, Ánuranyn tumardaı qasıet tutýy qajet. Eldigimizdiń synalatyn bir tusy – osy» - degen edi. Tuńǵysh Prezıdentimizdiń osy naqyl sózin elimizdiń árbir azamaty júrek túkpirinde saqtap, árkez jadynda ustap, oryndaýy qajet» degen qala basshysy barsha qaýymdy rámizder kúnimen quttyqtady.
Saltanatty jıyn sońy merekelik konsertke ulasty.
ALMATY