О́ńirlik kommýnıkasııalar qyzmetiniń aqparattyq alańynda ótken brıfıngte oblystyq tabıǵı resýrstar jáne tabıǵat paıdalanýdy retteý basqarmasynyń basshysy Aıdar Abdýalıev «Qyzylorda qalasynda turmystyq qatty qaldyqtardy suryptaý kesheni polıgonynyń qurylysy jáne syrtqy ınjenerlik jelilerdi jetkizý» jobasyn memlekettik - jekeshelik áriptestik aıasynda iske asyrý josparlanǵandyǵy jóninde aıtty.
«Atalǵan jobaǵa Belkól kenti aýmaǵynan 20 gektar jer ýchaskesi tańdalyp alyndy. Jobany iske qosý merzimi – bıylǵy jyldyń 1 qazan aıy bolyp belgilendi», - dedi ol.
Sondaı-aq, oblystyq bıýdjetten qarjy bólinip, Aral aýdanynyń Aral qalasynda da polıgon qurylysy bastalyp, osy jyly iske qosylatyn bolady.
Aldaǵy ýaqytta Aral aýdanynyń Sekseýil kentine jáne Syrdarııa aýdanynyń Tereńózek kentine turmystyq qatty qaldyqtarǵa arnalǵan polıgon qurylysyn júrgizý josparlanyp otyr eken.