Elorda ýaqyty boıynsha 07:00-de bastalǵan kezekten tys Prezıdent saılaýynda daýys berý aıaqtaldy.
Astana ýaqytymen 21:00-de (Batys Qazaqstan ýaqytymen 20:00-de) Qazaqstannyń bes óńirinde: Aqtóbe, Atyraý, Batys Qazaqstan, Qyzylorda jáne Mańǵystaý oblystarynda daýys berý aıaqtaldy. Buǵan deıin eldiń 17 óńiriniń 12-sinde daýys berý aıaqtalǵanyn habarlaǵan bolatynbyz.
Eske sala keteıik, Qazaqstanda kezekten tys Prezıdent saılaýy kúni saılaý ýchaskeleri jergilikti ýaqytpen 07:00-de ashylyp, 20:00-ge deıin jumys istedi. Qazaqstan aýmaǵynda jáne onyń syrtynda 9 968 saılaý ýchaskesinde saılaýshylar daýys berdi.