Memleket basshysy Qasym-Jomart Toqaev Reseı Federasııasynyń Qazaqstan Respýblıkasyndaǵy Tótenshe jáne ókiletti elshisi Alekseı Borodavkındi qabyldady, dep habarlady Prezıdenttiń baspasóz qyzmeti.
Alekseı Borodavkın Qasym-Jomart Toqaevqa kezdesýge múmkindik bergeni úshin rızashylyq bildirip, prezıdent saılaýyndaǵy jeńisine baılanysty Reseı Federasııasynyń Prezıdenti Vladımır Pýtınniń quttyqtaýyn jetkizdi.
– Men Sizdi daýys berýshiler belsendi qatysqan saılaýdaǵy aıqyn jeńisińizben quttyqtaımyn. Bul – taza jeńis ári halyqtyń Sizdi Qazaqstan Prezıdenti retinde tańdaýynyń aıqyn dáleli, – dedi Reseı elshisi.
Sonymen qatar Qazaqstan-Reseı qarym-qatynastaryn odan ári tereńdetý jáne eki eldiń halyqaralyq uıymdar aıasyndaǵy yntymaqtastyǵyna qatysty máseleler talqylandy.