Beısenbi, 7 naýryz 2013 7:19
Ońtústik Koreıa eger KHDR ózine qatysty áskerı kúsh qoldanar bolsa, óziniń de qarsy soqqy berýge daıyn ekenin habarlady. Ońtústik Koreıanyń áskerı bıligi mundaı málimdemeni Phenıannyń AQSh pen Ońtústik Koreıanyń birlesken áskerı jattyǵýlaryn boldyrmaý týraly talabyna baılanysty jasap otyr.
Beısenbi, 7 naýryz 2013 7:19
Ońtústik Koreıa eger KHDR ózine qatysty áskerı kúsh qoldanar bolsa, óziniń de qarsy soqqy berýge daıyn ekenin habarlady. Ońtústik Koreıanyń áskerı bıligi mundaı málimdemeni Phenıannyń AQSh pen Ońtústik Koreıanyń birlesken áskerı jattyǵýlaryn boldyrmaý týraly talabyna baılanysty jasap otyr.
Buǵan deıin KHDR eger Ońtústik Koreıa men AQSh 2013 jyldyń 11 naýryzyna belgilengen birlesken áskerı jattyǵýlardy ótkizýden bas tartpaıtyn bolsa, onda 1953 jylǵy bitimdi buzatyndyǵyn málimdegen bolatyn. Aıta ketý kerek, KSRO men QHR-dyń qoldaýyndaǵy kommýnıstik Soltústik pen Birikken Ulttar Uıymynyń qoldaýyndaǵy kapıtalıstik Ońtústik arasyndaǵy koreı soǵysy tek bitimge qol qoıý arqyly ǵana toqtatylǵan bolatyn. Bir jaǵynan Soltústik Koreıa men Qytaı, ekinshi jaǵynan BUU áskerleri (is júzinde AQSh ókilderi) qol qoıǵan sol bitim formaldi túrde kúni búginge deıin kúshinde tur. Sonymen birge, Amerıka áskerleriniń áli kúnge Ońtústik Koreıa aýmaǵynan ketpegenin de eske sala ketý qajet.
Kardınaldar Benedıktke alǵys aıtty
Burnaǵy kúni konklavqa daıyndalýǵa jáne ony ótkizetin kúndi belgileýdi talqylaý maqsatynda Vatıkanǵa kelgen kardınaldar burynǵy Rım papasy Benedıkt HVI-ǵa alǵys hat joldady. Vatıkanǵa jınalǵan kardınaldar onyń Rım katolık shirkeýiniń ıesi retinde bolǵan barlyq jarqyn kezeńine, sondaı-aq katolık shirkeýi men búkil álem úshin kórsetken izgi nıetti qaıyrymdylyǵy úshin taǵy da rızashylyq bildire otyryp qurmetti pontıfıkke berilgendikpen alǵys aıtady, delingen kardınaldar joldaýynda. Sonymen birge, telegrammada kardınaldar alǵysynyń onyń qajyrly eńbegin búkil katolık shirkeýiniń moıyndaýy bolyp tabylatyndyǵy da keltirilgen.
Bosqyndar sany mıllıonǵa jetti
Sırııadan shyqqan bosqyndar sany mıllıon adamǵa jetken. Bul týraly BUU-ǵa silteme jasaı otyryp, Reıter agenttigi habarlaǵan. Osy agenttik keltirgen málimetterge qaraǵanda, bosqyndardyń teń jartysy jastary 11-ge de jetpegen balalar kórinedi.Mıllıonǵa jýyq adam basqa jaqtarǵa ketti, taǵy mıllıon adam el ishinde turǵylyqty jerlerin aýystyrýda, myńdaǵan adam kún saıyn shekaradan ótýde, dep málimdegen BUU-nyń Bosqyndar isi jónindegi Joǵarǵy komıssary Antonıý Gýterrısh. Olarǵa kómek kórsetý úshin biz qoldan kelgenniń bárin jasap jatyrmyz. Bul qasiretti toqtatý qajet, dep atap kórsetken ol. BUU-nyń málimetteri boıynsha, sońǵy eki aıda ǵana 400 myńnan astam adam Sırııadan ketýge májbúr bolǵan. Sóz oraıynda Sırııada 22,5 mıllıon halyq turatynyn aıta ketý kerek.
Mınıstr korolge ant berdi
Belgııanyń jańa qarjy mınıstri 55 jastaǵy Kýn Gens ótken seısenbi kúni belgııalyqtar koroli Albert Ekinshige ant berdi. Buǵan deıin ol Leven ýnıversıtetiniń professory laýazymynda qyzmet atqarǵan bolatyn.Gensti mınıstrlik laýazymǵa Belgııanyń premer-mınıstri usynǵan edi. Al oǵan deıingi mınıstr Steven Vanakere, buqaralyq aqparat quraldarynyń habarlaýynsha, áleýmettik uıymnyń aksııalaryn satyp alýǵa qatysty isti adal júrgizbegeni úshin otstavkaǵa ketken bolatyn. BAQ-tyń málimetterine qaraǵanda, atalmysh daý-janjalǵa kólemi jaǵynan Belgııadaǵy ekinshi qarjy uıymy sanalatyn Belfius banktiń de qatysy bar kórinedi. Kýn Genstiń qarjy quqyǵy máselesine mamandanyp júrgenin de aıta ketý qajet.
Sý asty flotyn qurýǵa kómektespek
Reseı Vetnamǵa sý asty flotyn qurýǵa kómektespek. Hanoıda Reseı qorǵanys mınıstri Sergeı Shoıgý osyndaı málimdeme jasady.Bıyl bizdiń birlesken kúsh-jigerimizdiń arqasynda Vetnam Respýblıkasy áskerı-teńiz flotynyń tarıhynda jańa paraq ashylady – sý asty floty paıda bolady, dep atap kórsetken S.Shoıgý vetnamdyq áriptesi Fýang Kýang Thanmen kezdesýden keıin. Sonymen birge, S.Shoıgý Vetnam qorǵanys mınıstrimen súńgýir qaıyqtardy daıyndaý men ekıpajdy daıyndaý máselelerin úılestirý jónindegi máseleniń talqylanǵanyn da jetkizgen.
Azattyǵy joq adam áskerde qalaı qyzmet etken?
Djalal-Abadtyń burynǵy áskerı komıssary Kýrmanbek Abdraımahýnov Qyrǵyzstannyń azamaty bolyp tabylmaıtyn О́zbekstan turǵynynyń qyrǵyz armııasy qatarynda qyzmet etýine kómektesken, dep habarlady MUQK. Búginde Abdraımahýnovqa qatysty qylmystyq is qozǵalǵan.20 jasar Sardorbek Temırov Tótenshe jaǵdaılar mınıstrliginiń Djalal-Abad oblysy Tash-Kýmyr qalasyndaǵy áskerı bólimine «zańsyz» shaqyrylǵan, dep atap kórsetilgen Memlekettik ulttyq qaýipsizdik komıtetiniń baspasóz relızinde. MUQK málimetterine qaraǵanda, Temırov О́zbekstan turǵyny bolǵanymen, onyń ózi «azamattyǵy joq adam» kórinedi. Arnaıy qyzmet onyń 2012 jyldyń jeltoqsanynda áskerge shaqyrylýyna Djalal-Abad qalalyq birlesken áskerı komıssarıatynyń bastyǵy podpolkovnık Kýrmanbek Abdraımahýnovtyń jaǵdaı týǵyzǵanyn anyqtaǵan. Qazirgi ýaqytta osy is boıynsha tergeý jalǵasýda.
Premer demokrat-mınıstrlerdi qyzmetterinen bosatpaq
5 naýryzda Kommýnıster partııasy men Demokratııalyq partııa depýtattary senimsizdik votýmyn bildirgen Moldavııanyń qazirgi premer-mınıstri Vladımır Fılat ózi otstavkaǵa ketkenge deıin Dempartııadan taǵaıyndalǵan barlyq mınıstrlerdi qyzmetterinen bosatpaq nıette.Onyń aıtýynsha, demokrat-depýtattar mınıstrler kabınetine senimsizdik bildirgennen keıin osy partııadan taǵaıyndalǵan mınıstrler «yqtımal arandatýshylar» retinde jańa quram jasaqtalǵanǵa deıin jumystaryn jalǵastyratyn úkimet quramynda qala almaıdy. Sonymen birge, ol parlament tóraǵasy Marıan Lýpýdyń da otstavkaǵa ketýin kútetinin málimdegen. Al Demokratııalyq partııadan saılanǵan Lýpý bolsa óz erkimen otstavkaǵa ketpeıtinin aıtqan.
Internet materıaldary negizinde ázirlendi.