24 jyl buryn jubaıynan aıyrylǵan Jupar Isanova otbasynyń uıytqysyn saqtap, joldasy Isanov Asısanyń urpaǵyn tárbıelep, qazirgi tańda 3 baladan taraǵan 7 nemeresiniń súıikti ájesi atanyp otyr.
- Isanov Asısa Qoshmuhanuly 1960 jyly 3 naýryzda Túrkmenstan Respýblıkasy Ashhabad qalasynda týǵan. Mılısııa kapıtany. 1979 jyly О́zbekstan Respýblıkasy Shomanaı sovhoz tehnıkýmyn bitirgen. Eńbek jolyn 1979 jyly «Mańǵyshlaqvodstroı» mekemesinde burǵyshynyń kómekshisi bolyp bastaǵan. 1981-1983 jyldar aralyǵynda № 61591 áskerı bólimshesinde operator BMP retinde áskerı mindetin atqarǵan. Ishki ister organdaǵy qyzmetin 1980 jyly qańtar aıynda Mańǵyshlaq oblystyq atqarý Komıtetine qarasty IIB № 48 áskerı órt sóndirý bóliminde órt sóndirýshi laýazymynan bastaǵan, keıingi jyldary ár túrli qyzmetterde jumystar atqarǵan. «Minsiz qyzmeti úshin» medalimen KSRO IIM № 225 buıryǵymen marapattalǵan. 1995 jyldyń 8 maýsymynda qyzmet barysynda óndirisindegi qylmystyq isti tergeý barysynda qarsylyq kórsetken qylmyskerdiń qolynan qaza tapqan.
- Beıbit kezeńde óz ómirin Otanyn qorǵaýdyń kúrdeli mamandyǵyna arnaǵan jáne búgingi kúni elimizdiń áskerı kúshi men qorǵanys qabiletin arttyrý jolynda qyzmet atqaratyn barlyq azamattarymyzdy alda kele jatqan 23 maýsym Qazaqstan polısııasy kúni merekesimen shyn júrekten quttyqtap, alǵys bildirdi, -dep aıaqtady sózin Jupar Isanova.
Sonymen qatar, polıseıler 2001 jyldyń 25 naýryzynda qyzmet babynda qaza bolǵan Batyrhanov Qaldybaı Baıramqululynyń anasy Batyrhanova Orazhanmen kezdesip, otbasynyń jaǵdaıymen de tanysty.
Batyrhanov Qaldybaı Baıramqululy 1978 jyly Túrkmenstan Respýblıkasy Geok-Tepe kentinde týǵan, polısııa kishi serjanty 1996 jyly Aqtaý qalasyndaǵy № 4 MKTÝ bitirgen. Eńbek jolyn Aqtaý qalasyndaǵy mehanıka-jóndeý zaýytynda bastaǵan. 1997-1999 jyldar aralyǵynda Zaısan qalasy № 2017 áskerı bólimshesinde kavalerıst retinde áskerı mindetin atqarǵan. Ishki ister organdaǵy qyzmetin 2000 jyly mamyr aıynda Kúzet bólimshesiniń kishi ınspektory laýazymynan bastap, eńbek jolynda úzdik qyzmetker birneshe marapat ıesi atanǵan.
- Bul qyzmetkerler – qyzmet babynda qaıtys bolǵan, sonymen qatar qaskóılerdiń qolynan mert bolǵan jandar. Olar – eldiń tynyshtyǵyn kúzetip, qylmysty ashý men onyń aldyn alý barysynda polısııa qyzmetkerleri óziniń bar kúsh-jigerlerin jumsap, eńbek etken. Keleshek urpaqqa qyzmetkerlerimizdiń qaısarlyqtary úlgi bolary anyq, dedi Mańǵystaý oblysy Polısııa departamentiniń Kadr jumysy saıasaty basqarmasy basshysynyń mindetin atqarýshy, polısııa podpolkovnıgi A.Koshev.
Joǵaryda atalǵan otbasylardyń jas býyndary 13 jasar Nasıhat pen 5 jasar Mansur biri atasy, endi biri aǵasy sekildi bolashaqta tártip saqshysy bolǵylary keletinin aıtyp, osy salada qyzmet etip júrgen polıseılerdiń qyzmetine qyzyǵatyndyqtaryn áńgimeledi.
Beıbit adamdardyń ómiri úshin jandaryn pıda etken polıseılerdiń erligi umytylmaýy tıis.