Qalanyń qaq ortasyna, ıaǵnı Altynsarın jáne ál-Farabı kósheleriniń qıylysyna "Jolda qabyldaý" aksııasynyń shatyry tigildi. Onda Qostanaı oblysy PD bastyǵynyń birinshi orynbasary, polısııa polkovnıgi Nyǵymet Ysmaǵulov jáne Qostanaı qalasy Polısııa basqarmasynyń bastyǵy, polısııa polkovnıgi Qurmet Májikenov bastaǵan tártip saqshylary azamattarǵa qyzmet kórsetti. Turǵyndar túrli suraqpen kelgen, olardyń máselesi osy jerde talqylanyp, ári qaraı zań júzinde áreket etýge jiberildi. Kólik tizigndegen azamattar aıyppuldaryn teksertip, sol mezette tólep jatty.
Tártip saqshylar kómegine júgingenderdiń biri - Vladımır Son. Ol sońǵy 17 jyl Qostanaı qalasynda turady, biraq qujattarynyń durys bolmaýyna baılanysty QR azamattyǵyn ala almaı júr. Qostanaı polıseıleriniń aralasýymen endi ol aldaǵy aptada QR azamattyǵyn alatyn boldy.
Qostanaı qalasynyń 21 jastaǵy turǵyny Igor Gavrılov áskerı boryshyn ótep, mamandandyrylǵan orta bilim alǵan. Endi ol polısııaǵa jumysqa ornalasqysy keledi. "Jolda qabyldaý" aksııasyna osyndaı suraqpen kelgen Igorǵa baǵyt-baǵdar berildi. Qostanaı qalasy Polısııa baqsarmasynyń kadr jumysy bólimi aldaǵy ýaqytta bos oryndar bolsa, oǵan habarlasýǵa ýáde etti. Ol úshin Gavrılov memlekettik emtıhan tapsyrýy qajet.
"Jolda qabyldaý" aksııasy oblys boıynsha uıymdastyrylýda. Osy joly tek jol boıynda ǵana emes, kóp qabatty turǵyn úı aýlalarynda da azamattardy qabyldaý júrdi.
Kenje QONYSBAI,
Qostanaı oblysy PD baspasóz qyzmeti