Osyǵan oraı jergilikti bılik aldyna birqatar tapsyrma júktep, halyq aldyndaǵy ýádelerin buljytpaı oryndaýǵa mindetti ekenin eske saldy. Eń basty qundylyǵymyz – tatýlyq, birlik, tynyshtyq. Oǵan jetý joldary Elbasymyz aıqyndap bergen strategııalyq is-qımyl josparlarynda naqty aıqyndalǵan. Qasym-Jomart Kemeluly atap ótkendeı, elimiz ornyqty damýdyń jańa deńgeıine shyǵa alýy úshin jańa qadamdar men jańa sheshimder qajet. Búgingideı jedel ózgerister, jyldam tehnologııalar ýaqytynda syn-qaterlerdi eńsere otyryp, ótkir áleýmettik problemalardy sheshýmen naqty aınalysý, asa muqtajdarǵa kómek kórsetý, tabys kólemin kóbeıtý, kásipkerlerdiń iskerlik belsendiligin kóterý máseleleri óte ózekti ekeni daýsyz.
Eger halyqtyń kóńili toq bolsa, elimizdiń de ekonomıkalyq kórsetkishi oń qarqynmen alǵa jyljıtyny anyq. Prezıdent belgilep bergen tórtinshi baǵyt boıynsha keshendi sharalar túzilip, barlyq azamattyń ál-aýqatyn, turmys sapasyn arttyrýǵa, turmysy tómen otbasylarǵa jaǵdaı jasaýǵa, jańa jumys oryndaryn qurýǵa, halyqty laıyqty jalaqymen qamtý jaıyna basa nazar aýdarylyp otyr. Nátıjeli jumyspen qamtý jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasy sátti júzege asyp keledi. Jobaǵa qatysýshylar kásibı jáne tehnıkalyq bilimderin jetildirip, shaǵyn jáne orta bıznespen shuǵyldanýdy maqsat etken. Jyl aıaǵyna deıin taǵy elýge jýyq úmitkerdi oqytý josparlanǵan.
Aýdanda ornalasqan agrotehnıkalyq kolledj sapaly bilim berý bazasy retinde tańdap alyndy. Kásibı sheberlikterin shyńdaý maqsatymen jeti qatysýshy Petropavl qurylys-ekonomıkalyq kolledjimen kelisimshart jasasyp, esepshi, aspaz jáne dánekerleýshi mamandyqtaryn meńgerip shyǵady. «Bıznes bastaý» jobasy boıynsha kásipkerliktiń negizgi qyr-syrlaryna qanyqtyrý jaıy da oılastyrylǵan. Bolashaq kásipkerlerge «Aýyl sharýashylyǵyn qarjylaı qoldaý» qory, seriktestikter men jergilikti nesıe uıymdary arqyly jańa bıznes-ıdeıalardy damytýǵa granttar berý qarastyrylǵan. Bıyl «Aýyl sharýashylyǵyn qarjylaı qoldaý qory» aksıonerlik qoǵamyna 22 ótinim berilip, 31 jobaǵa memlekettik grant bólindi.
Mundaı jeńildikter turǵyndardyń ómir súrý sapasyn arttyrýǵa, kásipkerlikpen aınalysýǵa, qosymsha jumys oryndaryn ashýǵa jaǵdaı jasary anyq. Áleýmettik jumys oryndaryn uıymdastyrý úshin 14 jumys berýshiden 29 jumys ornyna ótinim túsip, qanaǵattandyryldy.
Prezıdent jas urpaq aldyna Qazaqstan damýynda sheshýshi ról atqarý, progrestiń qozǵaýshy kúshi bolý talaptaryn qoıdy. Jastar jyly aıasynda jas otbasylarǵa jan-jaqty qamqorlyq kórsetilip, olardyń barlyq sanatyn qoldaýǵa arnalǵan túrli sharalar uıymdastyryldy. Aýdanymyzda jastar tájirıbesin qoldaý, taratý mektebi jumys isteıdi. 103 el erteńin qoǵamdyq jumyspen qamtý úshin jergilikti bıýdjetten qarajat qarastyrylyp, jumys berýshilerden ótinimder qabyldandy. Úshten biri jumyspen qamtamasyz etildi.
Adam ómiriniń máni eńbek etý ǵana emes, urpaq tárbıeleý ekenin de esten shyǵarmaýǵa tıispiz. Sondyqtan otbasy qundylyǵy, bala tárbıesi – erekshe nazar aýdaratyn óte ótkir máseleniń biri. О́ıtkeni otbasy – qoǵamnyń tiregi. Memleket az qamtylǵan, kóp balaly otbasylarǵa qoldaý kórsetý maqsatynda bıyldan bastap járdemaqy tóleýdiń jańa tártibin engizgeni belgili. Shilde aıynda 353 adam ataýly áleýmettik kómekke qol jetkizedi.
Úmitjan NURTAZINA,
aýdan ákiminiń áleýmettik máseleler jónindegi orynbasary
Soltústik Qazaqstan oblysy, Tımırıazev aýdany