«Qarapaıym zattar ekonomıkasy» – jańashyl joba

Mańǵystaý oblysynda «Qara­paıym zattar ekonomıka­sy» baǵdar­lamasyn damytý aıasyn­da 40-tan astam joba usynyldy.

О́ńirlik kommýnıkasııalar qyzmeti alańynda ótken brıfıngte Mańǵystaý oblysynyń ındýstrııalyq-ınno­vasııalyq damý basqarmasynyń bólim basshysy A.Begıevanyń aıtýynsha, baǵdarlama aıasynda Úkimet óńdeý ónerkásibi jáne agroónerkásip kesheni sala­syndaǵy basym joba­lar­dy 2018-2020 jyldar araly­ǵyn­da qoldaý baǵytynda 600 mlrd teńge qarastyrǵan bolsa, sonyń ishinde óńdeý óner­ká­sibin damytýǵa 400 mlrd teńge bólingen. Bul nesıeleý baǵ­dar­lamasyna negizinen jeńil ónerkásip, jıhaz ónerkásibi, tamaq jáne qaıta óńdeý óner­ká­sibi, sondaı-aq qurylys materıaldaryn óndirý, týrızm, bilim salasy, kólik jáne logıstıka salasyndaǵy qyzmet túrlerin qamtıtyn jobalarmen barlyq bıznes sýbektileri qatysa alady. Joba atalǵan salalardy damytý máselesine qatysty, sonyń ishinde júıelik deńgeıdegi, ortalyq jáne jergilikti deńgeıdegi birqatar is-shara­lardy qamtıtyn 9 taraý­dan turady. Qazirgi tańda Mańǵystaý oblysynda «Qara­pa­ıym zattar ekonomıkasyn» damytý jónindegi Úkimet tap­syrmasyna sáıkes aımaq bas­shy­lyǵy men «Atameken» óńir­lik kásipkerler palatasy ne­gizinde qurylǵan jobalyq keńsede tıisti is-sharalar jos­pary jasaqtalyp, jumys júr­gizilýde. 

– Búgingi tańda ekinshi deń­geı­degi banktermen jalpy somasy 3,0 mlrd teńgege 9 joba, onyń ishinde 2,46 mlrd teńge bolatyn 7 jobany «Damý» qory maquldap otyr jáne jalpy somasy 2,20 mlrd teńgeni quraıtyn 5 jobany sýbsıdııalaý týraly kelisimge qol qoıylǵan. Jáne 20 mln teńge somasynda nesıe boıynsha 1 joba, 10 mln teńge nemese nesıeniń 50%-yna kepildeme alǵan. Sonyń ishinde, óńirdegi óńdeý ónerkásibindegi azotty mıneraldy tyńaıtqyshtar óndi­re­tin iri kásiporyn «QazAzot» AQ-ynda osy baǵ­dar­lama aıasynda nesıe alýǵa qoldaý tap­qan. 

Al «Qarapaıym zattar ekono­mıkasynyń» basqa joba­­lardyń artyq­shylyǵyna toqtalsaq, birinshiden, kásipker qandaı somada nesıe alam dese de shekteý joq. Ekinshiden, nesıeniń 50 paıyzyn «Damý» kásip­kerlikti qoldaý qory sýb­sı­dııalap, 5 mlrd teńgege deıin nesıe­ge kepil bola ala­dy. Atalǵan salalarda bız­nes­terin bastaýǵa nıetti aza­mat­tar tolyq aqparatty «Ata­meken» kásipkerler palatasy­nan, «Damý» kásipkerlikti qol­daý qorynan jáne ekinshi deń­geı­li bankterden ala alady, – deıdi «Damý» kásipkerlikti qoldaý qorynyń Mańǵystaý oblystyq fılıaly dırektory G. Qalymbetova.

Jobanyń alǵashqy qanat­qaq­ty nátıjesi retinde Aqtaýda kásibı sport­shylardy daıyn­daı­tyn sport-saýyqtyrý ke­she­ni ashylmaq. Kásip­kerdiń quny 100 mln teńge turatyn usy­nysyn «Forte Bank» ma­qul­dap, keshen 2020 jyldyń mamyr aıynda ashylady dep josparlanýda. Sport kesheni ashylǵan soń kásibı sportshylar úshin iri sporttyq saıystarǵa, olım­pıadalarǵa daıyndalý úshin alysqa sapar shekpeı, óz eli­miz­de daıyndalý qoljetimdi bolmaq.