Qazaqstanda halyqaralyq talaptarǵa sáıkes keletin biryńǵaı VIM-baǵyttalǵan qurylys aqparatyn jikteý júıesin qurýda aýqymdy jumys júrip jatyr.
Biryńǵaı jikteý jáne kodtaý júıesi TMD elderiniń arasyndaǵy qurylys salalarynda ıntegrasııalyq úderisterdi júzege asyrý úshin múmkindik ashady.
Marhabat Jaıymbetov aǵymdaǵy ýaqytta Qazaqstanda jáne basqa da TMD qatysýshy elderinde ózara baılanyspaǵan, bytyrańqy jikteýshiler qatary bar ekendigin habarlady. Baǵa belgileý júıesiniń jikteýshileri qurylys salasy úshin ónerkásip ıelerimen paıdalanylatyn taýarlyq nomenklatýra jikteýshisimen sáıkes kelmeıdi, biraq, sol basqa qyzmettiń de maqsaty ǵımarattyń nemese qurylystyń qurylysyn salý bolyp tabylady.
Qurylystaǵy biryńǵaı jikteý jáne kodtaý júıesin qurýdyń negizgi maqsaty ulttyq standarttardy halyqaralyq talaptarmen úılestirý sharttaryna negizdelgen biryńǵaı aqparattyq qańqa qurý bolyp tabylady.
Biryńǵaı jikteý jáne kodtaý júıesin ázirleýmen Qazaq qurylys jáne sáýlet ǵylymı-zertteý jáne jobalaý ınstıtýtynyń («QazQSǴZI» AQ) mamandary aınalysady.
«Qurylys salasyndaǵy aqparattyq modeldeýge kóshý osyǵan deıin «turpaıy» jobalaý kezinde ózekti jáne basym bolmaǵan máseleler qataryn, mysaly, qurylys úderisine qatysýshylardyń arasynda aqparat berý sııaqty problemany kóterdi. Biryńǵaı jikteýshi aqparatty dál sáıkestendirýge jáne túsinbestikti azaıtýǵa múmkindik beredi. Jikteýshiniń negizgi róli qurylys aqparatynyń fýnksıonaldyq jáne tehnıkalyq sıpattamalaryn bólý bolyp tabylady. Jikteýshi mynadaı aqparat aspektilerin qamtıdy: ornalasýy, fýnksıonaldyq taǵaıyndalýy jáne tehnıkalyq júıelerge tıistilik aspektisi. Jikteýdiń bul tásili atomdyq salada paıdalanylady. Biz ony qurylys salasynyń erekshelikterin esepke ala otyryp, beıimdedik jáne qoldandyq. Qazirgi ýaqytta Qazaqstanda aqparattyq platforma iske asyryldy, ol QR Qurylys jáne kommýnaldyq-sharýashylyq isteri komıtetiniń saıtynda qoljetimdi», dep túsindiredi «QazQSǴZI» AQ Damý jáne sıfrlandyrý jónindegi basqarýshy dırektory Aleksandr Shahnovıch.
Aleksandr Shahnovıch qurylys aqparatyn biryńǵaı jikteý jáne kodtaý júıesimen jumys úderisi týraly aıta kele, TMD elderiniń mamandaryna TMD qatysýshy elderiniń qurylys keshenindegi tehnıkalyq retteý máseleleri boıynsha Bazalyq uıymynyń (FSO FAM) janyndaǵy TMD elderiniń qurylysyndaǵy aqparattyq modeldeý tehnologııalary salasyndaǵy normatıvtik-tehnıkalyq bazany damytý jónindegi komıssııa jumysynyń sheńberinde osy jobaǵa qosylýdy usyndy.
ALMATY