Seısenbi, 30 sáýir 2013 2:50
Elimizdiń soltústik óńirlerindegi iri aýyl sharýashylyǵy kásiporny – «Bogvı» kompanııasynyń basshysy Vıktor Bogdanes artyq-kemi joq týra 100 mlrd. teńge kólemindegi memleket qarjysyn talan-tarajǵa salǵanǵa uqsaıdy. Kúni keshege deıin Aqmola jáne Soltústik Qazaqstan aımaǵyndaǵy eń tanymal bıznesmenderdiń biri sanalǵan ol naǵyz taza adam retinde baǵalanyp kelgen eken. Bul týraly «Ekspress K» gazeti habarlady.
Seısenbi, 30 sáýir 2013 2:50
Elimizdiń soltústik óńirlerindegi iri aýyl sharýashylyǵy kásiporny – «Bogvı» kompanııasynyń basshysy Vıktor Bogdanes artyq-kemi joq týra 100 mlrd. teńge kólemindegi memleket qarjysyn talan-tarajǵa salǵanǵa uqsaıdy. Kúni keshege deıin Aqmola jáne Soltústik Qazaqstan aımaǵyndaǵy eń tanymal bıznesmenderdiń biri sanalǵan ol naǵyz taza adam retinde baǵalanyp kelgen eken. Bul týraly «Ekspress K» gazeti habarlady.
О́tken sársenbiniń sátinde oblys qarjy polıseıleri «Bogvı» JShS ofısine saý etip kirip kelip, onyń basshysy Vıktor Bogdanesti tutqynǵa alady. Ázirge ol úsh táýlikke ýaqytsha ustaý oqshaýlaǵyshyna qamalǵan. Bıznesmenge asa iri kólemde alaıaqtyq jasady degen sıpattaǵy aıyp taǵylyp otyr. Basylym atap ótkendeı, Qazaqstannyń iri astyq óndirýshi bes kompanııasy qataryna kiretin Bogdanestiń fırmasy kóptegen mıllıard teńgeni quraıtyn qaryzǵa bekem batyp qalǵan kórinedi.
Bul istiń álqıssasy mynadaı. 2010 jyly «Bogvı» óziniń syrtqa astyq shyǵarý úshin kerekti qarajatyn Qazaqstan Damý bankinen alady. Bastapqyda kásipker osy alǵan aqshasynyń paıyzyn ýaqytynda qaıtaryp turady. Sosyn tóleýdi birden toqtatyp tastaıdy. Sondyqtan 2012 jyly «Azyq-túlik» ulttyq korporasııasy sotqa «Bogvıge» qarsy talap-aryz beredi. Al sot sheshimi boıynsha kásiporynnyń mıllıard teńgeden artyq aqsha qarajaty saqtalǵan barlyq shottary qamaýǵa alynady. Ázirge qarjy polısııasy Vıktor Bogdanestiń naqtyly qansha aqshany talan-tarajǵa salǵanyn aıtyp otyrǵan joq. Degenmen, áli naqtylanbaǵan derekterge qaraǵanda, áńgime 100 mlrd. teńge týrasynda qozǵalyp jatqanǵa uqsaıdy.
Sáken MAILYBAI.