Mańǵystaý oblysy Qazaqstan halqy Assambleıasy Dostyq úıinde Elorda kúnine oraı «Elorda – elimniń júregi» baıqaýyn ótkizdi.
Shara barysynda mektep janyndaǵy «Alaý» balalardy saýyqtyrý lagerinen 50, «Qarlyǵash» lagerinen 90 bala jınalyp, sýret salý baıqaýy uıymdastyryldy.
Sonymen qatar, elimiz ben elordamyz týraly vıktorınalyq suraqtar qoıylyp, oıy zerek, utqyr búldirshinderge arnaıy syılyqtar berildi.
QR Jýrnalıster Odaǵy múshesi Zadereskaıa Natalıa, kásipker Saǵytjanov Asqar, sýretshi Kıikbaı Jansaıa qazylyq etken sýret baıqaýynda erekshe kózge túsken búldirshinderge syılyqtar tabystaldy.
Shara sońynda Dostyq úıiniń kınozalynda balalarǵa «Qajymuqan» mýltfılmi kórsetilip, tátti balmuzdaqtar taratyldy.
Mańǵystaý oblysy