Sýbsıdııanyń kómegi zor, biraq áýresi kóp

Úkimettiń keńeıtilgen oty­ry­synda Prezıdent Qa­sym-Jomart Toqaev aýyl sha­rýa­shylyǵy eńbekker­leri­niń memlekettik qoldaý talap­tarynyń jıi ózgerýine baılanysty shaǵymdarynyń oryndy ekenin aıtty. Memleket bas­shysy aıtqandaı, mundaı ózgerister durys ınnovasııalyq sheshim qabyldaýda qıyndyqtar týdyryp, agrobıznestiń tartymdylyǵy men tabysty­lyǵyn tómendetetini, kásip­ker­lerdiń erteńgi kúnge degen se­nimin joǵaltatyny ras. Soǵan oraı, Memleket basshysy Úki­metke aýyl sharýashylyǵy saıa­satynda qysqa jáne orta mer­zimdik basymdyqtardy aıqyn­dap, olardyń negizinde qoldaý tetikterin turaqtandyrýdy tapsyrdy. Aýyl sharýashylyǵy – basshylyǵynyń aralarynda sabaqtastyq joq jalǵyz sala ekenin aıtyp, synǵa aldy. Gerbısıdter men tuqym qoryn jańartýǵa, aýyl sharýashylyǵy tehnıkasy parkin jańǵyrtýǵa, agrotehnologııalar men tu­qym­dy jańalaýǵa bólinetin sýbsıdııalardyń tıimdiligine de kúmán keltiretinin aıtty.

Aýyl sharýashylyǵy salasynda uzaq jyldar qyzmet etip kele jatqandyqtan bul másele bizge jaqsy tanys, ıaǵnı Prezıdenttiń syny negizsiz emes. Aýyl sharýashylyǵyn damytý maqsatynda kórsetilip kele jatqan memlekettik qol­daýdyń sharapatyn bizdiń ón­diristik kooperatıv te sezindi. Tólebı aýdany, Kemeqalǵan aýyldyq okrýgine qarasty Abaı aýylyndaǵy 110 gektarǵa Italııadan almanyń tórt surypyn, ıaǵnı 270 myń kóshet ákelip ektik. Jyl saıyn azdap salǵanmen, úsh jyldan soń 80 tonnaǵa deıin ónim alýǵa, ony eskporttaýǵa bolady. Árıne jobamyz memlekettiń qoldaýymen, «Agrarlyq nesıe korporasııasy» AQ arqyly qarjylandyrýmen júzege asty. Árqaısysynyń quny 4-7 dollar turatyn kóshetti naýqan kezinde 180 adam jabylyp egip, qazir tamshylatyp sýarý kútimin 150-deı maman atqarýda. Iаǵnı, memlekettik qoldaýdyń septigimen isimiz alǵa basyp, jańa jumys oryndaryn ashýǵa múmkindik týdy. 

Osy arada aıta keterlik jaıt, sýbsıdııa berýde júıe­sizdik bar. Mysaly, Eýropa el­derinen ákelinetin birqatar alma surypyna berilgenimen, kórshi ózbek elinen ákelgenge berilmeıdi. Kásipkerdiń biri alǵan sýbsıdııany ekinshisi ala almaıdy. Sondaı-aq ár gektarǵa jumsalatyn shyǵyndar da durys eseptelmeıdi, kóp jaıt­tar eskerýsiz qalady. Sha­rýa­lar qosymsha shyǵyndanýǵa májbúr bolady. Talaptar da jıi ózgeredi. Tize bersek, kem­shiligi kóp. Al sharýalardyń usynys-pikirleri eskerile ber­meıdi. Shyntýaıtynda, sharýa­lardyń ıyǵyndaǵy júkti jeńil­detýge sýbsıdııanyń kó­megi mol. Alaıda, ony alý ońaı emes. Sýbsıdııa sońǵy jyl­­dary sharýalardyń kópten be­ri kókeıinde júrgen ózekti máse­­le. 

Sharýa qojalyqtary endi Prezıdenttiń tapsyrmasy­men bul másele jan-jaqty zert­telip, halyqtyń usynys-pi­kirleri eskerilse túbegeıli sheshimin tabady degen senimde. 

Áset QAIYPBEKOV,  Túrkistan oblystyq máslıhatynyń depýtaty, «Qazyǵurt baqtary» óndiristik kooperatıviniń basshysy Túrkistan oblysy