Tolǵaq kezinde bıjýterııa býtıgi dereý jabylyp, onyń aldyna kúzet qoıyldy. Bári de tez, aıaq astynan bolǵany sonshalyq, «Jedel-járdem» kóligi jetkenshe, sábı shyr etip, ińgálap jaryq dúnıe esigin attady. Bul kezde Záýreshtiń eri Arman kún demalys bolǵandyqtan qannen-qapersiz úıinde demalyp jatqan-dy. Habar jetisimen ol da shuǵyl jınalyp, saýda úıine jetken bolatyn. Bul kezde Záýreshti medısına mamandary sábıimen birge «Jedel-járdem» kóligine otyrǵyzǵan edi.
Náresteniń ózge emes, ásemdik býtıginde ómirge kelgeni de tań qaldyrmaı qoımaıdy. Sábı qyzǵa Aılın degen at qoıyldy. Záýre men Armannyń ekinshi perzenti. Endi olardyń 3 jasar ulynyń qyzǵaldaqtaı qaryndasy bar. Jaryq dúnıe esigin attaǵan kezde sábı qyzdyń salmaǵy 3 kg 400 gramm, boıynyń uzyndyǵy 52 sm boldy. Árıne bul derek onyń ómirge kelgendegi absolıýtti densaýlyǵyn kórsetse kerek.
О́zderiniń jumys oryndarynda sábıdiń dúnıege kelgenin yrymǵa balaǵan saýda úıiniń ıeleri sábıdiń anasyna arnaıy syı jasady. Sonymen birge ýildegen Aılınge nárestege arnalǵan jıyltyq tartý etti.