Almaty qalalyq ekonomıkalyq tergeý departamenti júrgizgen reıd kezinde, Raıymbek pen Tilendıev kósheleriniń qıylysyndaǵy ǵımarattan oıyn avtomattary tabyldy. Jedel izdestirý barysynda Departament mamandary 15 kompıýter, bir oıyn avtomaty jáne 30 myńǵa jýyq aqsha tárkilegen.
«Bul – qylmystyq istiń aıasynda júrgiziletin is shara. Qylmystyq is aıaqtalǵannan keıin sotqa joldanady. Termınaldardyń taǵdyryn sot organdary sheshedi. Múlikter memlekettiń menshigine berýi múmkin. Nemese joıýy da ǵajap emes. Eger atalǵan sharalar júrgizilse, sot oryndaýshylarymen birge iske asyramyz», dedi Almaty qalasy ekonomıkalyq tergeý departamentiniń resmı ókili Jaqsylyq Myrzahan.
Ekonomıkalyq tergeý departamenti sońǵy eki aıda 600-ge jýyq oıyn avtomattaryn tárkilegen. Jyl basynan beri 22 qylmystyq is qozǵalǵan.