Fransııa tas joldarynda ótip jatqan velosporttan beıresmı álem chempıonaty sanalatyn «Týr de Frans» kópkúndiginiń 16-kezeńi «Astana» velokomandasy úshin sátsiz aıaqtaldy.
Nım qalasynda ótken 16-kezeńniń máre syzyǵyna 28 shaqyrym qalǵanda «Astana» velokomandasynyń kapıtany Iаkob Fýlsang sportshylardyń qaqtyǵysynan jaraqat alyp, jarysty merziminen buryn aıaqtaýǵa májbúr boldy. Fýlsang bıylǵy «Týr de Frans» jarysynda osymen ekinshi ret jaraqat alyp otyr. Ol buǵan deıin básekeniń alǵashqy kezeńinde qulap, jeńil jaraqattanǵan-dy. Bul jolǵy jaraqaty aýyr bolyp, dárigerler oǵan jarysqa qatysýǵa tyıym saldy. Sonymen qatar «Astananyń» taǵy bir ókili Lýıs Leon Sanches te qatardan shyǵyp qaldy.
Bul kezeńge deıin Fýlsang jalpy esepte toǵyzynsha orynda kele jatqan edi. Al qazirgi jaǵdaı boıynsha «Astana» velokomandasynan eń úzdik nátıje qazaqstandyq Alekseı Lýsenkoǵa tıesili. Ol jalpy esepte 25-orynda tur.