Shymkent qalasyna bekitilgen 10-shy sektorda júrgizilip jatqan jóndeý jáne qurylys jumystary boıynsha Shymkent qalasynyń ákimi Ǵabıdolla Ábdirahymov baıandady.
- Zalaldy baǵalaý jáne joıý úshin Shymkent qalasy ákimdiginiń jáne 13 merdigerlik uıymnyń 553 mamany jumyldyrylyp, 3 kezekte táýlik boıy jumys isteýde. Saraptama nátıjesinde anyqtalǵan sektordaǵy 652 turǵyn úıdiń 604-inde jóndeý jumystary júrýde, 32 úıdiń apatty bolýy jáne tolyq órtenýi sebebinen oryndaryna jańa úılerdiń qurylysy júrgizilýde. Qazirgi ýaqytta 161 úıde jóndeý jumystary aıaqtalǵan.
1 tamyzǵa deıin barlyq úılerdiń shatyrlary men terezeleri qalpyna keltiriledi. Al 15 tamyzǵa deıin ishki jáne syrtqy árleý jumystaryn aıaqtaımyz, - dedi qala ákimi.
Ǵ. Ábdirahymovtyń baıandaýynsha, Shymkentke tıesili sektorda eki aıdyń ishinde jóndeýge kelmeıtin úılerdiń ornyna salynyp jatqan jańa úılerdiń qurylysy tolyǵymen aıaqtalady. Júrgizilip jatqan jumystardyń, ár úıdiń qurylysy men jóndeý jumystarynyń sapaly bolýy qala ákiminiń qatań nazarynda.
Sapar barysynda Arys qalasynyń turǵyndary qurylys nysanyndaǵy jumystar sapaly oryndalyp jatqanyn aıtyp, óz alǵystaryn bildirdi.